ATAGÍʼDI̱I̱ MARATA̱
KÍXNUU 1
Gaxmiéjuaan’ gajkhun
Ikha rí na̱ʼkha̱ náa Biblia: “Ngajua [...] na̱nguá eyáʼ i̱ndó rí ndayóoʼ [ikhaa]” (1 Cor. 13:4, 5).
Dí niʼni Jesús
1. Atayáá VIDEO o atraxnuu Juan 4:6-9. Nda̱wa̱á atayáá graxe̱ rígi̱:
Ndiéjunʼ ginii ndiʼyoo Jesús nákhá xóó tseʼtámijná ga̱jma̱a̱ a̱ʼgu̱ rá.
Jesús niʼthúu̱n: “Atamínu̱u̱ʼ tháan iyaʼ ma̱ga̱nʼ”. Ndíjkha dí ninindxu̱u̱ májánʼ xóo nigíʼdu̱u̱ niʼtámíjná ga̱jma̱a̱ xá.
Ndiéjunʼ ejmañulúʼ náa xkri̱doo Jesús rá.
2. Ma̱ndoo mugíʼdi̱i̱ muʼtámíjná gajmiúlú májánʼ xa̱bu̱ á mu nuʼtháán mbá tema dí ikhaa naniguuʼ.
Atayaridáá Jesús
3. Arathá dí naniguuʼ xa̱bu̱. Xátagíʼdi̱i̱ marata̱ dí ikháán nanigua̱a̱ʼ, itháan májánʼ gáʼni dí matagíʼdi̱i̱ marata̱ dí xa̱bu̱ naniguuʼ. Ikha jngóo atriʼkhu̱u̱ xóo tatsaʼwáminaʼ ga̱jma̱a̱ atraximínaʼ.
“Ndiéjunʼ ekujmaa náa noticia rá.”
“Ndiéjunʼ etamíjná xa̱bu̱ bi̱ kúwá mijngii gajmíi̱nʼ, bi̱ nañajunʼ gajmíi̱nʼ o bi̱ naʼnigajmaa gajmíi̱nʼ rá.”
4. Atiejxi̱ májánʼ. Atraximínaʼ:
“Ndiéjunʼ xtáa raʼni xa̱bu̱ rá. Ndiéjunʼ xtáa randxa̱ʼwáminaʼ xá.”
“Ga̱jma̱a̱ numuu xóo xtíin kagíʼ, xóo kiexu̱u̱ ga̱jma̱a̱ xóo kaʼnii goʼwóo, ndiéjunʼ eʼni mba̱yo̱o̱ náa religión ejkha̱ o náa e̱ʼkha̱ xá.”
“Lá májánʼ gáʼni dí mutamijnáxu xúgi̱ ráʼ.”
5. Atadxawíín dí gáʼthí.
Xárata̱ wéñuuʼ.
Atatsiñááʼ dí xa̱bu̱ maʼthí. Índo̱ nandoo atani̱ graxe̱.