Xátani rígi̱ índo̱ garasngáa ga̱jma̱a̱ numuu Biblia

Xúʼthá wéñuʼ. Xatatsaʼwamínáʼ rí ikháánʼ gíʼmaa maratha xúgíʼ. Jesús niʼni graxe̱ mu mambáñun xa̱bu̱ mu mbuyáá rí gajkhun (Mt 17:24-27). Graxe̱ naʼne dí xáʼni miʼskhoo miʼnigajmaa, ma̱ta̱ya̱a̱ ndiéjunʼ endxa̱ʼwáminaʼ bi̱ narasngáá ga̱jma̱a̱ á mu nakro̱ʼo̱o̱ (be ináa 253 kutriga̱ 3, 4). Índo̱ gátani mbá graxe̱, gaʼngo̱o̱ a̱jkia̱nʼ ga̱jma̱a̱ araʼthi̱i̱n dí mariʼña̱a̱ graxe̱ bi̱ narasngáá. Xí na̱nguá eʼyoo dí mariʼña̱a̱, xáratha̱a̱n náa gíwanʼ raʼthí; atani̱i̱ imbo̱o̱ graxe̱ dí mambáyúu mariʼña̱a̱ májánʼ (be ináa 238 kutriga̱ 1, 2). Arathá awan xóo rí makro̱ʼo̱o̱ bi̱ narasngáa mu magiʼdaʼ edxu̱u̱ i̱ʼwáʼ dí nuxi̱ʼ (be ináa 230 kutriga̱ 4).

Xúʼni̱ mingíjyúuʼ dí nuʼthá. Ga̱ʼnga̱ʼ dí xárata xúgíʼ ga̱jma̱a̱ numuu tema (Jn 16:12). Arathá i̱ndó dí phú e̱ʼkha̱ raʼthí náa kutriga̱ (be ináa 226 kutriga̱ 4, 5). Dí maratha wéñuʼ, maski ajndu gíʼdoo numuu, naʼni dí mandáti̱ga̱a̱ dí phú nagájnuriyoʼ (be ináa 235 kutriga̱ 3). Á mu bi̱ narasngáá nikro̱ʼo̱o̱ má, ganújngaʼ imbo̱o̱ kutriga̱.

Xátani rí i̱ndó mambáʼ i̱yi̱i̱ʼ. Nandulúʼ rí maʼga̱nú asndu náa a̱jkiu̱u̱n, raʼkháa i̱ndó rí maguxnuu i̱yi̱i̱ʼ (Lu 24:32). Gajmaaʼ májánʼ Ajngá rawunʼ Dios índo̱ gárata texto dí phú nagájnuriyoʼ náa kíxnuu (2Co 10:4; Heb 4:12; be ináa 144 kutriga̱ 1-3). Gajmaaʼ xkri̱da dí ra̱mingíjyúuʼ (be ináa 245 kutriga̱ 2-4). Atayáá ndiéjunʼ dí naʼniuu miʼskhoo mámbáa bi̱ narasngáá ga̱jma̱a̱ creencia rí gíʼdoo, ga̱jma̱a̱ aratháán ndiéjunʼ gámbáyúu rí xtáa raʼnigajmaa. Atani̱i̱ graxe̱ xóo rígi̱: “Ndiéjunʼ tatsaʼwáminaʼ dí nijmañaaʼ xúgi̱ rá. Ndiéjunʼ eʼsngúlúʼ ga̱jma̱a̱ numuu Jeobá rá. Xú káʼnii ku̱ma̱ʼ rí mambáyaʼ dí mataʼgíʼ matani xtágabu rígi̱ rá.” (be ináa 238 kutriga̱ 3-5; ináa 259 kutriga̱ 1).