KÍXNUU 09

Dí maratajkáan naʼni rí maraxtaa mijngii náa Dios

Edición impresa

Lá naku̱ma̱a̱ʼ rí nda̱yáaʼ ikha ráʼ. Lá xtaʼdáá graxe̱ rí xóo tséxtiʼña̱a̱ ráʼ. Lá nda̱yáaʼ tsiakii o nda̱yáaʼ maʼni̱i̱ a̱jkia̱a̱nʼ ráʼ. Lá nanigua̱a̱ʼ maraxtaa mijngíí náa Jeobá ráʼ. Rí maratakáñii Dios ma̱ndoo mambáyáaʼ náa xúgíʼ enii rígi̱. Xú káʼnii gíʼmaa maratajkáan rá. Lá naʼdxawuun Dios xúgíʼ rí nutajkháan xa̱bu̱ ráʼ. Xú káʼnii gándoo gátaya ikháán rí Dios naʼdxawuun rí naratájkáan rá. Guʼyálú.

1. Tsáá gíʼmaa muʼtákáñii rá. Ga̱jma̱a̱ ndiéjunʼ gándoo guʼtháán índo̱ nuʼtákáñii xá.

Jesús niʼsngáa rí i̱ndó anu̱lú bi̱ xtáá mekhuíí gíʼmaa muʼtákáñii. Ikhaa niʼtákáñuu Jeobá. Mbá miʼtsú ikhaa niʼthí: “Ikháanʼ gíʼmaa mutajkáan xígi̱ káʼnii: ‹Anu̱xu bi̱ xtáa mekhuíí...›” (Mateo 6:9). Índo̱ nuʼtákáñii Jeobá, ikhú nambájxulu itháán májánʼ gajmiúlú.

Índo̱ nuʼtajkháan ma̱ndoo munda̱ʼa̱a̱ asndu ndiéjunʼ má. Á mu nandulú rí Dios mariʼña̱a̱ ragíʼmaa munda̱ʼa̱a̱lú mbá rí ikhaa tsénigu̱u̱ʼ. Náa Biblia naʼthí: “Rí ma̱ndoo munda̱ʼa̱a̱ asndu ndiéjúúnʼ má rí nambríguii ga̱jma̱a̱ rí nandoo ikhaa, ga̱jma̱a̱ ikhaa naʼdxawúnlu” (1 Juan 5:14). Jesús nigíʼ tikhu xkri̱da rí ikháanʼlú ma̱ndoo muʼtá índo̱ nuʼtajkháan (atraxnuu Mateo 6:9-13). Raʼkháa i̱ndó ndayóo munda̱ʼa̱a̱ ga̱jma̱á numulú, ma̱ngaa ragíʼmaa magumulúʼ rí muxnaa núma̱aʼ Dios rí niʼni ga̱jma̱á numulú, ma̱ngaa munda̱ʼa̱a̱ rí mambáñún eʼwíinʼ.

2. Xú káʼnii gíʼmaa muʼtájkáan rá.

Náa Biblia naʼtulúʼ rígi̱: “Guʼthánlú xúgíʼ rí gíwanʼ náa a̱jkiu̱lú [Dios]” (Salmo 62:8). Ikha jngóo, índo̱ guʼtájkáan guʼthánlú xúgíʼ rí nagájnuu náa a̱jkiu̱lú. Ma̱ndoo muʼtá xígú o mañúú, ma̱ndoo muʼtájkáan asndu nguáná ga̱jma̱a̱ asndu náá má eyulú. Jeobá na̱nguá endu̱ʼu̱lúʼ rí musmbatigulú o mutriʼgánʼ o muguajún mu muʼtákáñii, rí itháán gíʼdoo numuu nindxu̱u̱ rí musngajma gamajkhu náa ikhaa.

3. Xú káʼnii eriʼña̱a̱ Dios rí nuʼtajkháan rá.

Mbaʼa xóo eʼni. Índo̱ nuraxnuu Ajngá rawuunʼ rí nindxu̱u̱ Biblia ikhú naxtiʼña̱a̱ graxe̱ ndrígúlú. Rí maguxnuu Ajngá rawuunʼ Dios mbáa “bi̱ tséjmañuu maʼga̱nú mbaʼyoo” (Salmo 19:7; atraxnuu Santiago 1:5). Ga̱jma̱a̱ índo̱ kuaʼdáálu xkujndu Jeobá ma̱ndoo maʼni rí makuwáanʼlu tsímáá, ma̱ngaa ma̱ndoo maʼni rí xa̱bi̱i̱ mumbáyulúʼ índo̱ phú ndayúlú.

GAJMAÑAAʼ ITHÁAN

Guʼyálú xú káʼnii gándoo gáratajkáan mu manigu̱u̱ʼ Dios, ga̱jma̱a̱ xú káʼnii gándoo gámbáyaaʼ rí maratajkáan.

4. Rígá tikhu rí ndayóoʼ muʼni índo̱ nuʼtákáñii Dios

Xú káʼnii gúʼtakáñii Dios mu maʼdxaun rí nuʼtajkháan rá. Gu̱ya̱a̱ VIDEO.

VIDEO: Lá naʼdxaun Dios xúgíʼ rí nuʼtajkháan ráʼ. (Mbá xuíʼtóo) (2:42)

Jeobá nandoo rí muʼtákáñii i̱ndó ikhaa. Guraxnuu Salmo 65:2 ga̱jma̱a̱ gutamíjnála rígi̱:

Lá naku̱ma̱a̱ʼ rí Dios bi̱ “naʼdxaun rí nutajkáan”, nandoo rí ikháán maratakáñii ráʼ. Náá numuu rí xúʼko̱ ku̱ma̱a̱ʼ rá.

Á mu nandulú rí Dios maʼdxaun rí nuʼtájkáan gíʼmaa muʼnimíjna̱ makuwáanʼ xóo ma e̱nda̱ʼa̱ xtángoo ndrígóo. Guraxnuu Miqueas 3:4 ma̱ngaa 1 Pedro 3:12 ga̱jma̱a̱ gutamíjnála rígi̱:

Xú káʼnii gándoo guʼyáá gajkhun rí Dios naʼdxaun rí nuʼtajkháan rá.

Nguáná ma̱ndoo maʼni dí a̱jma̱ grupo soldados munda̱ʼa̱a̱ Dios dí maʼngu̱u̱n náa guerra. Lá naku̱ma̱a̱ʼ ikháán rí Dios maʼdxawún dí nutajkáan xa̱bu̱ buʼko̱ ráʼ.

5. Gíʼmaa magajnúu asndu náa a̱jkiu̱lú rí guʼtájkáan

Mbaʼin nijuiʼsngúún rí magiʼdaʼ edxu̱ún rí muthi índo̱ mutajkáan, ga̱jma̱a̱ rí muni rezo. Lá naniguuʼ Dios rí xúʼko̱ mutajkáan xáʼ. Guraxnuu Mateo 6:7 ga̱jma̱a̱ gutamíjnála rígi̱:

Ndiéjunʼ gándoo muʼni mu “xutangáánʼ muʼtá kikháá” índo̱ nutajkáan rá.

Xú tayáá á mu mambá mbiʼi gátatsaʼwamínáʼ mbá rí mitsaanʼ dí Jeobá naʼni ga̱jma̱a̱ numaʼ, ikhú gáraxna̱a̱ núma̱aʼ ga̱jma̱a̱ numuu rúʼko̱ rá. Á mu natani xúgi̱ káʼnii rí mbá xmáná, mambáaʼ ratá mbá juwan mixtiʼkhu enii índo̱ naratájkáan ga̱jma̱a̱ xúʼko̱ xátangaán marata kikháá ajngáa.

Mbáa ada̱ niʼtámijna gajmii xabuanii. — Mbáa xa̱bu̱ nikhi̱i̱ nandoo rí a̱ʼdióo maʼthí rí gajkhun ga̱jma̱a̱ maʼthí xóo ku̱mu̱u̱. Xúʼko̱ má Jeobá nandoo dí muʼtákáñii rí magajnúu asndu náa a̱jkiu̱lú.

6. Rí muʼtájkáan ni̱ndxu̱u̱ mbá rí nimináanʼlú Dios

Xú káʼnii gándoo gáxnulú tsiakii rí muʼtájkáan, itháán índo̱ nuraʼníí mbá gamiéjunʼ rá. Gu̱ya̱a̱ VIDEO.

VIDEO: Rí muʼtájkáan nambáyulú mu maʼngulú (1:32)

Náa Biblia naʼthí rí muʼtájkáan ma̱ndoo mambáyulú mu makuwáanʼ tsímáá. Guraxnuu Filipenses 4:6, 7 ga̱jma̱a̱ gutamíjnála rígi̱:

Maski ajndu rí nuʼtajkáan xáʼnimbánuu xúgíʼ xkujndu rí kuaʼdáá, mú xú káʼnii embáyuluʼ rá.
Ndiéjunʼ enigua̱a̱ʼ ikháán marata índo̱ naratájkáan rá.

Lá natayáá má ráʼ.

Ajngáa amén nandoo gáʼthúu̱n “xúʼko̱ gáʼni” o “gajkhun”. Asndu nákha wájyúuʼ xa̱bi̱i̱ Dios nuthi “xúʼko̱ gáʼni” índo̱ naguambu̱u̱n rutajkáan (1 Crónicas 16:36).

7. Atríyaʼ mbiʼi mu maratajkáan

Nguáná nditháan tseguapháánʼlu rí asndu nagumulú muʼtájkáan. Nguáthá nigiʼdoo numuu rí maʼtájkáan ndiʼyoo Jesús rá. Guraxnuu Mateo 14:23 ma̱ngaa Marcos 1:35 ga̱jma̱a̱ gutamíjnála rígi̱:

Xú káʼnii niriyaʼ mbiʼi Jesús mu maʼtájkáan rá.
Ga̱jma̱a̱ náá gátríyaʼ mbiʼi ikháán mu maratajkáan rá.

Xtiʼkhuu náa nakujmaa a̱ʼgu̱ bi̱ naʼtájkháan xúgíʼ mbiʼi: 1. Índo̱ ndajui̱i̱. 2. Gajmii e̱ji̱i̱n. 3. Náa nañajunʼ. 4. Índo̱ nacho̱o̱ makuiʼtsu.

RÍ NUTHI TIKHUN: “Nambáyulú rí nugríga̱a̱ Dios”.

Dí ratá ikháán rá.

RÍ NAGÁJNURIYO̱O̱ʼ

Rí muʼthán Dios rí gíwanʼ náa a̱jkiu̱lú nambáyulú mu muʼgua kanuu náa ikhaa ma̱ngaa naʼni rí makuwáánʼ tsímáá ga̱jma̱a̱ naxnúlú tsiakii rí ndayúlú muʼni rí naniguuʼ Jeobá.