Kokkinakis contra Grecia: Droit réservé
Nagi̱ʼdu̱u̱ ga̱jma̱a̱ xtiʼkhuu dí kama gi̱nii kayuuʼ naguámbá ga̱jma̱a̱ xtiʼkhuu dí kama agoo má ikhí: Junta de Educación de Virginia Occidental contra Barnette; Kokkinakis contra Grecia; Entidad religiosa local de Taganrog y otros contra Rusia; Cha y otros contra Corea del Sur.
XÓO KUWÁANʼ BI̱ NI̱NDXU̱LÚ CRISTIANOS
“Nutambáyíí ajngáa rí májánʼ ga̱jma̱a̱ nuthúún xa̱bu̱ ñajunʼ dí muniña̱a̱ʼ miʼtáraʼa”
Índo̱ xa̱bu̱ sia̱nʼ nindúún murikhúún xa̱bi̱i̱ Dios mu xúni̱i̱ templo, bi̱ niñejunʼ ikhí nini̱ xó má eʼngo̱o̱ mu musngajmúún dí xa̱bu̱ ñajunʼ niniñu̱u̱nʼ dí muni̱i̱ templo (Esd 5:11-16). Cristianos bi̱ kúwá dí mbiʼi xúgi̱ ma̱ngaa nuni̱ xó má eʼngo̱o̱ mu xa̱bu̱ ñajunʼ muniñu̱u̱nʼ mutaraʼa ajngáa rí májánʼ (Flp 1:7). Mu ma̱ndoo maguma ñajunʼ rígi̱, nákha 1936 nigi̱ʼi̱ mbóoʼ Departamento rí nunimbáníí xkujndu gajmiún Xa̱bu̱ Ñajunʼ náa Guʼwá rí phú na̱ʼkha̱ ikha. Departamento rígi̱ naʼtámbáyúu ñajunʼ dí nu̱ʼni̱ náa xúgíʼ numbaaʼ. Xú káʼnii eʼnimbánuu xkujndu ga̱jma̱a̱ xú káʼnii embáyulú dí ikhiin nuni̱ xá.
NDA̱WA̱Á RÍ NITAYÁÁ VIDEO GUNIʼNÚUNʼ DEPARTAMENTO DÍ NAʼNIMBÁNUU XKUJNDU NÁA XA̱BU̱ ÑAJUNʼ DÍ RÍGÁ NÁA GUʼWÁ RÍ PHÚ NA̱ʼKHA̱ IKHA, ATRIʼÑA̱A̱ GRAXE̱ RÍGI:
Xkáʼnii xkujndu niraʼníí testigos de Jeobá náa xa̱bu̱ ñajunʼ rá.
Arathá mbóoʼ xkri̱da xú káʼnii niʼngu̱u̱n ninimbáníí xkujndu.
Ndiéjunʼ gándoo gúʼnilú mu muʼtámbáyíí ajngáa rí májánʼ ga̱jma̱a̱ dí muniñulú muʼtáraʼa xá.
Xkáʼnii gándoo gátaxkamaa noticia náa sitio ndrígóo Internet ndrígúlú ga̱jma̱a̱ numún a̱ngiu̱lú bi̱ naguma gíníi eni̱ xa̱bu̱ ñajunʼ ga̱jma̱a̱ mbóoʼ lista náa na̱ʼkha̱ mbiʼñún Testigos bi̱ kajchún náa guʼwá e̱jua̱nʼ rá.