ATAGÍʼDI̱I̱ MARATA̱
KÍXNUU 2
Arathá xó má eguʼwaanʼ
Ikha rí na̱ʼkha̱ náa Biblia: “Mbá ajngáa índo̱ ndayóoʼ, ra̱ʼkhá tháán májánʼ nindxu̱u̱” (Prov. 15:23).
Dí niʼni Felipe
1. Atayáá VIDEO o atraxnuu Hechos 8:30, 31. Nda̱wa̱á atayáá graxe̱ rígi̱:
Xú káʼnii nigíʼdu̱u̱ Felipe niʼtámíjná ga̱jma̱a̱ xá.
Ndíjkha dí ninindxu̱u̱ májánʼ xóo nigíʼdu̱u̱ niʼtámíjná ga̱jma̱a̱ dí maʼsngóo i̱mba̱ dí nuxi̱ʼ xa̱bu̱ bugi̱ xá.
Ndiéjunʼ ejmañulúʼ náa xkridoo Felipe rá.
2. Á mu índo̱ nuʼtámíjná gajmiúlú eʼwíinʼ nuʼthá xó má eguʼwunlú, mbáa xúʼko̱ gáʼni dí xa̱bu̱ manigu̱u̱ʼ ga̱jma̱a̱ maxkajxi̱i̱ a̱jkiu̱u̱n maʼdxawuun dí guʼtháán.
Atayaridáá Felipe
3. Atiejxi̱ májánʼ. Ndiéjunʼ esngájma xóo eʼni inuu ga̱jma̱a̱ ndiéjunʼ eyoo gáʼthí xá. Lá nasngájma dí naniguuʼ maratamíjná ga̱jma̱a̱ xáʼ. Mbá rí ma̱ndoo matani̱ mu matagíʼdi̱i̱ maratamíjná ga̱jma̱a̱ dí na̱ʼkha̱ náa Biblia nindxu̱u̱ dí matrajxi̱i̱: “Lá natayáá má dí...”. Á mu mbáa tsíyoo gáʼthí, xátani kañíí.
4. Gaʼngo̱o̱ a̱jkia̱a̱nʼ. Xátatsaʼwamínaʼ dí ndayóoʼ maratamíjná ga̱jma̱a̱ dí na̱ʼkha̱ náa Biblia mbá nacha̱. Araʼthi̱i̱n asndu índo̱ gándoo ga̱jma̱a̱ maraʼnuu marata ga̱jma̱a̱ numuu Biblia. Mbáa asndu mbaʼyóoʼ maraʼti̱i̱n maratamíjná ga̱jma̱a̱ i̱mba̱ aʼphu̱ dí garatamíjna ga̱jma̱a̱ xa̱bu̱.
5. Arathá xó má eyóoʼ xa̱bu̱. Mbáa índo̱ naratamijná ga̱jma̱a̱ naxtiʼkhuu mbá nacha̱. Á mu i̱mba̱ dí nitatsaʼwáminaʼ marata ga̱jma̱a̱ numuu Biblia, araxtaa xawii matriʼkhu̱u̱ marata mbá dí xa̱bu̱ naʼni maxmiéjuunʼ.