కీర్తనలు

ఆకాశం నుండి యెహోవాను స్తుతించండి;+

ఎత్తైన స్థలాల్లో ఆయన్ని స్తుతించండి.

 4 ఆకాశ మహాకాశాల్లారా, ఆకాశం పైనున్న జలాల్లారా,

ఆయన్ని స్తుతించండి.

 5 అవి యెహోవా పేరును స్తుతించాలి,

ఎందుకంటే ఆయన ఆజ్ఞాపించినప్పుడు అవి సృష్టించబడ్డాయి.+

 6 ఆయన వాటిని యుగయుగాల పాటు స్థాపించి ఉంచాడు;+

ఎప్పటికీ నిలిచివుండే ఆజ్ఞ జారీచేశాడు.+

 7 భూమ్మీద నుండి యెహోవాను స్తుతించండి,

గొప్పగొప్ప సముద్రప్రాణులారా, సమస్త అగాధ జలాల్లారా,

 8 మెరుపులారా, వడగండ్లారా; మంచూ, దట్టమైన మేఘాల్లారా,

ఆయన మాటను పాటించే తుఫానూ,+

 9 పర్వతాల్లారా, సమస్తమైన కొండల్లారా,+

పండ్ల చెట్లారా, సమస్తమైన దేవదారు వృక్షాల్లారా,+

10 అడవి జంతువుల్లారా,+ సమస్త సాధు జంతువుల్లారా,

పాకే ప్రాణుల్లారా, ఎగిరే పక్షుల్లారా,

11 భూరాజుల్లారా, సమస్త దేశాల్లారా,

అధిపతుల్లారా, భూమ్మీదున్న సమస్త న్యాయముర్తుల్లారా,+

12 యువకులారా, యువతులారా,*

వృద్ధులారా, పిల్లలారా, మీరంతా ఆయన్ని స్తుతించండి.

13 వాళ్లు యెహోవా పేరును స్తుతించాలి,

ఎందుకంటే ఆయన పేరు మాత్రమే అత్యంత ఉన్నతమైనది.+

14 తన విశ్వసనీయులందరికీ,

అంటే తనకు సన్నిహితంగా ఉన్న ఇశ్రాయేలు ప్రజలకు కీర్తి వచ్చేలా

ఆయన తన ప్రజల బలాన్ని* హెచ్చిస్తాడు.