ప్రశ్నాభాగము
● ప్రచారకులలో ఒకరు వేరే ప్రాంతమునకు వెళ్లినట్లయిన క్రొత్త సంఘమునకు మారుటలో సహాయపడుటయందు ఏమి చేయవలెను?
ఇంకొక సంఘమునుండి ప్రచారకుడు వచ్చిన వెంటనే ఆ ప్రచారకుని నుండి సంఘ సెక్రెటరీ తాను వదలివచ్చిన సంఘముయొక్క పేరును మరియు ఆ సంఘముయొక్క సెక్రెటరీ అడ్రసును తీసుకొనవలెను. తరువాత ఆ సంఘమునకు ప్రచారకుని పబ్లిషరు రికార్డు కార్డును మరియు పరిచయము చేయు ఉత్తరమును వ్రాసి పంపమని ఆ సంఘ సెక్రెటరీకి వ్రాయవలెను. ఈ విధముగా కోరబడిన సెక్రెటరీ వెంటనే ఏ విధమైన ఆలస్యము లేకుండా దానికి జవాబివ్వవలెను.—ఆర్గనైజ్డ్‌ టు అకంప్లిష్‌ అవర్‌ మినిస్ట్రి పేజీలు 104-5 చూడుము.
అట్లు వేరే స్థలమునకు వెళ్లుటకు పథకము వేసుకొను ప్రచారకుడు తాను వదలివెళ్లుచున్న సంఘముయొక్క సరైన పేరును, మరియు ఆ సంఘ సెక్రెటరీ చిరునామాను తప్పులు లేకుండా కలిగియుండుట ద్వారా సహాయపడగలడు. తరువాత ఆయన క్రొత్త సంఘములోనికి వచ్చినప్పుడు అచ్చటి సెక్రెటరీ ఈ విషయమందు వెంటనే పనిచేయునట్లు ఆయనకు ఈ సమాచారమును ఇవ్వవచ్చును. క్రొత్త సంఘములో ఇవ్వబడు ప్రాంతీయ సేవా రిపోర్టులను రికార్డు కార్డు వచ్చు పర్యంతము అలా భద్రపరచవచ్చును. ఆ తరువాత ప్రచారకుని కార్యమును రికార్డు కార్డుపై వేసి సంఘముయొక్క తదుపరి నెల రిపోర్టుతో దానిని కలుపవచ్చును.
కొన్నిసార్లు తాను వెళ్లబోవు సంఘముయొక్క పేరు ఆ సెక్రెటరీ చిరునామా ప్రచారకునికి ముందుగనే తెలిసియుండవచ్చును. అట్లయిన పెద్దలు వారు కోరువరకు వేచియుండనవసరములేదు. పబ్లిషరు పనియొక్క రికార్డును పరిచయము చేయు పత్రికను ఈ ప్రచారకుడు సహవాసము చేయబోవు సంఘ సెక్రెటరీకి వెంటనే పంపవచ్చును.