Панднома

11 Тарозуи нодуруст дар назари Яҳува шум аст,

Вале санги дурусти тарозу ба ӯ хуш аст.+

 2 Худбоварӣ ки омад, беобрӯӣ ҳам меояд,+

Вале хирад бо ҳадшиносон аст.+

 3 Беайбии боинсофон роҳнамои онҳост,+

Вале маккории хиёнаткорон ҳалокати онҳост.+

 4 Сарват дар рӯзи ғазаб ба кор намеояд,+

Вале росткорӣ аз марг наҷот медиҳад.+

 5 Росткории беайб роҳи ӯро ҳамвор мекунад,

Вале бадкор аз бадии худ фурӯ меғалтад.+

 6 Росткории боинсофон онҳоро халос мекунад,+

Вале хиёнаткорон ба доми нафси худ меафтанд.+

 7 Бадкор ки мурд, умедаш барбод меравад

Ва умедворие, ки аз қудраташ дошт, нест мешавад.+

 8 Росткор аз бало халос мешаваду

Ба ҷойи ӯ бадкор ба он гирифтор мегардад.+

 9 Худобехабар бо даҳонаш ёри худро ба шикаст мерасонад,

Вале росткоронро дониш наҷот медиҳад.+

10 Аз некуии росткорон шаҳр хушнуд мешавад

Ва аз марги бадкорон шодию тантана мекунад.+

11 Аз баракати* боинсофон шаҳр обод мегардад,+

Вале даҳони бадкорон онро хароб месозад.+

12 Бефаҳм нафраташро бар дигарон фурӯ мерезад,

Вале рамузфаҳм* хомӯширо пеша мекунад.+

13 Хабаркаш* сирро ошкор карда мегардад,+

Вале одами боваринок сирро нигоҳ медорад.

14 Агар кордонӣ* набошад, мардум шикаст мехӯрад,

Вале бо маслиҳатгарони зиёд кор буд мешавад*.+

15 Касе, ки кафили* бегонае мешавад, зарар мебинад,+

Вале ҳар кӣ дасти паймон намедиҳад, аз зарар эмин аст.

16 Зани зебосиришт ҷалол ба даст меорад,+

Вале мардони бераҳм сарват ба чанг меоранд.

17 Одами меҳрубон ба ҷони худ некӣ мекунад,+

Вале сангдил ба сари худ бало* меорад.+

18 Музди бадкор фиребанда аст,+

Вале корандаи адлу инсоф мукофоти арзандае мегирад.+

19 Касе, ки дар росткорӣ устувор аст, дар роҳи ҳаёт аст,+

Вале касе, ки дар пайи бадист, дар роҳи марг аст.

20 Яҳува каҷдилонро чашми дидан надорад,+

Вале ростравон ӯро хушнуд месозанд.+

21 Бидон, ки бадкирдор бе ҷазо намемонад,+

Вале фарзандони росткорон раҳоӣ меёбанд.

22 Зани хушрӯйи беақл

Мисли ҳалқаи тиллоест дар бинии хук.

23 Муроди дили росткорон некӣ меораду+

Умеди бадкорон худашонро гирифтори ғазаб мекунад.

24 Яке дасткушод асту сарваташ зиёд мешавад,+

Дигаре аз додан дасти худро боздорад ҳам, камбағал мегардад.+

25 Саховатманд обод мегардад+

Ва ҳар кӣ дигаронро ба серӣ об диҳад, худаш низ аз об сер мешавад.+

26 Мардум касеро, ки ғалларо фурӯхтан нахоҳад, дуои бад мекунад,

Вале фурӯшандаи онро дуои нек.

27 Ҳар кӣ аз пайи некуист, некӣ мебинад,+

Вале касе аз пайи бадист, гирифтори бадӣ мешавад.+

28 Касе ба сарвати худ таваккал кунад, шикаст мехӯрад,+

Вале росткорон мисли барги сабз нашъунамо меёбанд.+

29 Ҳар кӣ бар хонаводаи худ бало* меорад, боди холиро мерос мегирад+

Ва аҳмақ ба доно хизматгор мешавад.

30 Корҳои росткор дарахти ҳаётбахш аст+

Ва касе дил* ба даст меорад, бохирад аст*.+

31 Агар росткор бар замин сазо ёбад,

Чӣ қадар бештар бадкор ва гунаҳкор сазои худро мегиранд.+