1 Таслӯникиён

3 Пас, вақте аз хавотирӣ бетоқат шудем, дар Атино+ танҳо монданро беҳтар дониста, 2 Тимотиюсро,+ ки бародари мо ва хизматгузори* Худосту хушхабарро дар бораи Масеҳ эълон мекунад, ба назди шумо фиристодем. Мо мехостем, ки ӯ шуморо қуввату тасаллӣ бахшида, имонатонро қавӣ гардонад, 3 то ҳеҷ кадоми шумо аз ин азобҳо суст нашавед. Охир, худи шумо медонед, ки аз чунин азобу уқубат ҷойи гурез нест.+ 4 Вақте ҳамроҳатон будем, шуморо огоҳ мекардем, ки ҳамаи мо бо азобҳо рӯ ба рӯ мешавем ва, чи тавре ки худатон медонед, ҳамин тавр ҳам шуд.+ 5 Ана барои ҳамин, вақте тоқатам тоқ шуд, Тимотиюсро назди шумо фиристодам, то аз вафодории шумо хабар орад.+ Ман хавотир будам, ки мабодо Васвасакор+ шуморо бо ягон роҳ васваса карда бошаду меҳнати мо барбод рафта бошад.

6 Ҳоло Тимотиюс аз назди шумо омада,+ дар бораи вафодорию муҳаббататон хабари хуш овард. Мо аз ӯ фаҳмидем, ки шумо доимо моро ба некӣ ёд мекунед ва ташнаи дидори мо ҳастед, чунон ки мо низ ташнаи дидори шумоем. 7 Шумо, эй бародарон, бо вафодории худ дар ҳама мушкиливу* уқубатамон тасаллии мо шудед,+ 8 зеро дидани он ки шумо бо устуворӣ Ҳазратамонро пайравӣ мекунед, ба мо рӯҳи тоза мебахшад. 9 Мо Худоро барои шумо ва шодии бузурге, ки ба мо бахшидаед, ҳазорон бор шукр мегӯем. 10 Мо рӯзу шаб бо тамоми ҷидду ҷаҳд Худоро илтиҷо мекунем, ки ба дидори шумо бирасем ва камии имони шуморо пур кунем.+

11 Аз Падарамон Худо ва Ҳазратамон Исои Масеҳ барои худ роҳи бехатар мехоҳем, то назди шумо биёем. 12 Бигзор Ҳазратамон муҳаббати шуморо ба якдигар ва ҳамагон зиёду бепоён гардонад,+ чуноне ки муҳаббати мо ба шумо бепоён аст, 13 то Ҳазратамон дар вақти ҳузури худашу+ тамоми поконаш дилҳоятонро қавӣ гардонад ва шумо дар пеши Падарамон Худо поку беайб бошед.+