Забур

48 Яҳува бузург ва сазовори ситоиши беандоза аст,

Дар шаҳри Худои мо, дар кӯҳи муқаддаси ӯ.

 2 Кӯҳи Сион, ки дар шимоли дур аст,

Баландии зебо, шодии тамоми замин+

Ва шаҳри Подшоҳи Бузург аст.+

 3 Дар бурҷҳои* истеҳкомдори он

Худо ошкор кард, ки паноҳгоҳ аст.+

 4 Инак, подшоҳон ҷамъ омадаанд,

Якҷоя ба пеш ҳаракат карданд.

 5 Вақте онҳо шаҳрро диданд, ба ҳайрат омаданд

Ва ба воҳима афтида, аз тарсу ҳарос рӯ ба гурез оварданд.

 6 Онҳоро дар он ҷо ларза фаро гирифт

Ва азобе мисли дарди зоиши зан.

 8 Мо дар шаҳри Яҳува, Худои лашкарҳо, дар шаҳри Худоямон,

Он чиро, ки шунида будем, бо чашмони худ дидем.

 9 Андаруни ибодатгоҳи ту

Аз меҳру вафоят меандешем, эй Худо.+

10 Худоё, васфи ту мисли номат

То ба канори замин расидааст.+

11 Бигзор кӯҳи Сион+ шодӣ кунад,

Бигзор шаҳрҳои* Яҳудо ҳукмҳоятро дида, хурсандӣ кунанд.+

12 Сионро давр занед, гирди он қадам занед,

Бурҷҳояшро шуморед.+

Бурҷҳои истеҳкомдори онро дида бароед,

То ба наслҳои оянда ҳикоя кунед,

14 Зеро ин Худо ҳамеша ва то абад Худои мост.+