1 Воқеанома
15 Ӯ дар Шаҳри Довуд барои худ хонаҳо сохт ва барои сандуқи Худо ҷой тайёр карда, барои он хайма зад.+ 2 Он вақт Довуд чунин гуфт: «Касе ғайр аз левизодагон сандуқи Худоро набардорад, зеро Яҳува онҳоро интихоб кардааст, ки сандуқи Яҳуваро бардоранд ва ҳамеша ба ӯ хизмат кунанд».+ 3 Сипас Довуд тамоми Исроилро дар Ерусалим ҷамъ овард, то ки сандуқи Яҳуваро, ба ҷое ки барояш тайёр карда буд, биёранд.+
4 Инҳоянд писарони Ҳорун+ ва левизодагоне,+ ки Довуд ҷамъ овард: 5 аз қаҳотиён — Уриили сардор ва 120 бародараш, 6 аз марориён — Асоёи+ сардор ва 220 бародараш, 7 аз ҷершӯниён — Юили+ сардор ва 130 бародараш, 8 аз писарони Элисофон+ — Шамаъёҳуи сардор ва 200 бародараш, 9 аз писарони Ҳебрӯн — Алиили сардор ва 80 бародараш 10 ва аз писарони Узиил+ — Аминодоби сардор ва 112 бародараш. 11 Ғайр аз ин, Довуд коҳинон — Содӯқу+ Абётор,+ ва левизодагон — Уриил, Асоё, Юил, Шамаъёҳу, Алиил ва Аминодобро, даъват намуда, 12 гуфт: «Шумо сарварони хонаводаҳои левизодагон ҳастед. Шумо ва бародаронатон худро пок созед ва сандуқи Яҳува, Худои Исроилро, ба ҷое ки барояш тайёр кардаам, биёред. 13 Азбаски бори аввал онро шумо набардоштед,+ ғазаби Худоямон Яҳува бар мо аланга зад,+ зеро мо дастури ӯро ҷӯё нашудем».+ 14 Он гоҳ коҳинону левизодагон худро пок карданд, то ки сандуқи Яҳува, Худои Исроилро, биёранд.
15 Пас аз ин левизодагон, ҳамон тавре ки Мӯсо мувофиқи каломи Яҳува фармуда буд, сандуқи Худоро аз ходаҳояш+ гирифта, бар китфи худ гузоштанду равона шуданд. 16 Довуд ба сардорони левизодагон фармуд, ки бародарони сарояндаашонро таъйин кунанд, то созҳо — созҳои торӣ, чанг+ ва санҷ,+ навохта, бо шодӣ бисароянд.
17 Левизодагон Ҳеймони+ писари Юил, аз бародаронаш — Осафи+ писари Баракё ва аз бародарони марориашон — Эйтони+ писари Қушоёҳуро таъйин карданд. 18 Бо онҳо аз дастаи дуюм ин бародаронашон буданд:+ Закарё, Бен, Яъзиил, Шемиромӯт, Яҳиил, Уннӣ, Элиоб, Баноё, Маасиёҳу, Маттитё, Элифалиҳу, Миқниёҳу, ҳамчунин Убайд-Адӯм ва Яиил, ки дарбон буданд. 19 Сарояндагон — Ҳеймон,+ Осаф+ ва Эйтон, санҷҳои+ мисин менавохтанд, 20 Закарё, Азиил, Шемиромӯт, Яҳиил, Уннӣ, Элиоб, Маасиёҳу ва Баноё созҳои ториеро менавохтанд, ки ба сози аламут*+ ҷӯр буданд, 21 Маттитё,+ Элифалиҳу, Миқниёҳу, Убайд-Адӯм, Яиил ва Азазёҳу чангҳои ба сози шеминит*+ ҷӯрро менавохтанд ва иҷрои суруду мусиқиро сардорӣ мекарданд. 22 Кананёҳуи+ сардори левизодагон бурдани сандуқро роҳбарӣ мекард, чунки ӯ нозукиҳои корро медонист, 23 Баракё ва Элқоно бошанд, дарбонони назди сандуқ буданд. 24 Коҳинон — Шабанё, Юшофот, Натанъил, Амосай, Закарё, Баноё ва Элиезер, пешопеши сандуқи Худо баланд-баланд карнай менавохтанд.+ Убайд-Адӯм ва Яҳиё инчунин дарбонони назди сандуқ буданд.
25 Довуд, пирони Исроил ва мириҳазорон ҳамроҳи онҳо хурсандӣ+ карда мерафтанд, то ки сандуқи аҳди Яҳуваро аз хонаи Убайд-Адӯм+ оранд. 26 Вақте онҳо диданд, ки Худо ба левизодагон мадад кард, ки сандуқи аҳди Яҳуваро баранд, ҳафт буққаи ҷавон* ва ҳафт қӯчқорро қурбонӣ карданд.+ 27 Довуд ва ҳамаи левизодагони сандуқбардор, сарояндагон ва Кананёҳу, ки сарояндагони сандуқбардорро сардорӣ мекард, яктаҳи* беостине аз матои нафис дар тан доштанд. Довуд ҳамчунин пешбанди катон пӯшида буд.+ 28 Ҳамаи исроилиён сандуқи аҳди Яҳуваро бо нидои шодӣ,+ садои шох, карнай+ ва санҷҳо меоварданд ва баланд-баланд созҳои ториву чанг менавохтанд.+
29 Вақте сандуқи аҳди Яҳуваро ба Шаҳри Довуд оварданд,+ Микали+ духтари Шоул аз тиреза дид, ки шоҳ Довуд ҷастухез карда шодӣ мекунад, ва ӯ дар дили худ аз Довуд нафрат кард.+