Панднома

21 Дили подшоҳ дар дасти Яҳува аст,+

Ӯ онро мисли оби ҷӯй, ҳар куҷо ки хоҳад, равона мекунад.+

 2 Рафтори одам дар назари худаш дуруст аст,+

Аммо Яҳува дилу ниятро месанҷад.+

 3 Росткорӣ ва боинсофӣ

Барои Яҳува аз қурбонӣ хуштар аст.+

 4 Чашмони ҳавобаланду дили мағрур

Гуноҳест, ки мисли чароғ бадкоронро роҳнамоӣ мекунад.+

 5 Корҳои* меҳнаткаш барор меёбанд,+

Вале шитобкорро камбағалӣ дар пеш аст.+

 6 Ганҷе, ки бо дурӯғ ба даст меояд,

Мисли буғ зудгузару мисли дом марговар аст*.+

 7 Ситами бадкорон ба сари худашон меояд,+

Зеро онҳо адолатро поймол мекунанд.

 8 Роҳи гунаҳкор каҷу

Рафтори покдил рост аст.+

 9 Зистан дар кунҷи бом

Беҳ аз он ки бо зани ҷангара* дар як хона бошӣ.+

10 Бадкор ташнаи бадӣ аст,+

Ӯ ба ёри худ раҳм намекунад.+

11 Нописандро* ҷазо диҳӣ, сода хирадманд мешавад,

Хирадмандро насиҳат диҳӣ, соҳиби дониш мегардад.+

12 Хонаи бадкоронро Росткор назорат мекунад,

Ӯ бадкоронро нест мекунад.+

13 Касе, ки гӯшашро аз фиғони бечора пӯшад,

Вақте худаш фарёд занад, фарёдрасе намеёбад.+

14 Туҳфаи пинҳонӣ хашмро фурӯ менишонад+

Ва пораи баҷоӣ оташи ғазабро паст мекунад.

15 Боинсофона амал кардан барои росткор шодист,+

Аммо барои бадкирдор даҳшат аст.

16 Ҳар кӣ аз роҳи дурандешон дур шавад,

Бо мурдагони беҷон хоб меравад.+

17 Ҳар кӣ ба дилхушӣ дил бандад, қашшоқ мегардад,+

Ҳар кӣ дӯстдори шаробу равған аст, бой намешавад.

18 Бадкор ба ҷойи росткор товон аст

Ва хиёнаткорро ба ҷойи боинсоф хоҳанд гирифт.+

19 Зистан дар биёбон

Беҳ аз он ки бо зани ҷангараву* бадфеъл бошӣ.+

20 Ганҷи гаронбаҳо ва равған дар хонаи хирадманд аст,+

Аммо аблаҳ буду шудашро барбод медиҳад.+

21 Ҳар кӣ аз пайи росткориву меҳру вафо шавад,

Ҳаёт, росткорӣ ва сарбаландӣ ба даст меорад.+

22 Хирадманд метавонад аз болои девор гузашта, ба шаҳри пурзӯрон дарояд

Ва қувватеро, ки такягоҳи онҳост, суст кунад.+

23 Касе, ки забону даҳонашро нигаҳ дорад,

Ҷонашро аз бало нигаҳ медорад.+

24 Ҳар кӣ беандешаву худбоварона амал кунад,

Лофзани худбовару худсар ном дорад.+

25 Танбалро нафсаш мекушад,

Зеро дасташро ба кор намезанад.+

26 Ӯ тамоми рӯз баднафсона ҳавас мекунад,

Аммо росткор дареғ надошта медиҳад.+

27 Қурбонии бадкор нафратовар аст,+

Хусусан, вақте онро бо нияти бад биёрад*.

28 Шоҳиди дурӯғгӯ нест мешавад,+

Аммо касе, ки гӯши шунаво дорад, суханаш ҳаргиз қатъ намешавад*.

29 Бадкор берӯйӣ мекунад,+

Аммо роҳи боинсоф устувор аст.+

31 Аспро барои рӯзи ҷанг тайёр мекунанд,+

Аммо наҷот аз сӯйи Яҳува меояд.+