БА МАСЕҲ ПАЙРАВӢ КУНЕД
Мувофиқи меъёрҳои ахлоқии Яҳува амал кунед
Яҳува барои одамон меъёрҳои ахлоқиро муайян мекунад. Масалан, Ӯ амр медиҳад, ки издивоҷ дар байни марду зан бояд аҳди ҷовидонӣ бошад (Мт 19:4–6, 9). Ӯ ҳама намуди бадахлоқиро маҳкум мекунад (1Қр 6:9, 10). Ӯ ҳатто ба мо принсипҳо дод, то аз сару либос ва намуди зоҳириамон маълум шавад, ки мо халқи Ӯ ҳастем (ТкШ 22:5; 1Тм 2:9, 10).
Дар ҷаҳони имрӯза бисёр одамон меъёрҳои Яҳуваро рад мекунанд (Рм 1:18–32). Онҳо дар либоспӯшӣ, намуди зоҳирӣ ва рафтор мувофиқи ақидаи паҳнгаштаи одамон амал мекунанд. Бисёриҳо аз ахлоқи бади худ фахр карда, дар ҳаққи касоне, ки мисли онҳо нестанд, бадгӯйӣ мекунанд (1Пт 4:3, 4).
Чун Шоҳидони Яҳува мо бояд бо далерӣ меъёрҳои ахлоқии Худоро дастгирӣ кунем (Рм 12:9). Чӣ тавр? Мо бояд ба дигарон боэҳтиромона фаҳмонем, ки чӣ ба Яҳува маъқул аст. Ҳамчунин ба мо лозим аст, ки худамон ҳам мувофиқи меъёрҳои баланди ахлоқӣ зиндагӣ кунем. Масалан, дар вақти интихоби сару либос ва намуди зоҳирӣ аз худ пурсед: Оё интихобам нишон медиҳад, ки ман аз рӯйи меъёрҳои Яҳува зиндагӣ мекунам, на аз рӯйи меъёрҳои ин ҷаҳон? Оё сару либос ва намуди зоҳирии ман нишон медиҳад, ки ман шахси худотарсам? Ҳангоми интихоби барнома ё тамошои филм аз худ пурсед: Оё ин барнома ба Яҳува маъқул аст? Кадом меъёрҳои ахлоқиро ин барнома ё филм дастгирӣ мекунад? Оё вақтхушии интихобкардаи ман меъёрҳои ахлоқии маро суст мегардонад? (Зб 100:3). Оё ин ба аъзоёни оила ё дигарон монеа мешавад? (1Қр 10:31–33).
Чаро меъёрҳои ахлоқии Яҳуваро риоя кардан муҳим аст? Ба қарибӣ Исои Масеҳ одамони бад ва ҳар намуди бадахлоқиро нест мекунад (Ҳз 9:4–7). Танҳо касоне, ки мувофиқи хости Худо зиндагӣ мекунанд, зинда мемонанд (1Юҳ 2:15–17). Биёед, минбаъд низ аз рӯйи меъёрҳои ахлоқии Яҳува зиндагӣ кунем, то дигарон аъмоли некамонро дида Худоро ҳамду сано хонанд (1Пт 2:11, 12).
Интихоби либос ва намуди зоҳириам дар бораи ахлоқи ман чӣ мегӯяд?
ВИДЕОНАВОРИ «ДӮСТИ ЯҲУВА ШАВ! ЯК МАРД, ЯК ЗАН»-РО ТАМОШО КАРДА, САВОЛҲОИ ЗЕРИНРО МУҲОКИМА КУНЕД:
Чаро мувофиқи меъёрҳои Яҳува зиндагӣ кардан аз рӯйи хирад аст?
Чаро волидон бояд аз хурдӣ ба фарзандонашон меъёрҳои Яҳуваро таълим диҳанд?
Чӣ тавр ҷавонон ва пиронсолон ба дигарон ёрӣ дода метавонанд, то аз умеде, ки Худо медиҳад, манфиат гиранд?