Дарси 1

Чӣ тавр фаҳмем, ки Худо аз мо чӣ талаб дорад

Кадом маълумоти муҳим дар Китоби Муқаддас мавҷуд аст? (1)

Муаллифи Китоби Муқаддас кист? (2)

Чаро Китоби Муқаддасро омӯхтан лозим аст? (3)

1. Китоби Муқаддас ҳадяи гаронбаҳо аз Худост. Он ба мактуби аз падари меҳрубон ба фарзандон навишташуда монанд аст. Ин китоб ба мо ҳақиқатро дар бораи Худо меомӯзонад; Ӯ кист ва меъёрҳояш чӣ гунаанд. Он ба мо мефаҳмонад, ки чӣ гуна аз ӯҳдаи ҳалли мушкилиҳо бароем ва чӣ тавр ба хушбахтии ҳақиқӣ ноил гардем. Танҳо аз Китоби Муқаддас донистан мумкин аст, ки барои ба Худо писанд омадан чӣ бояд кард (Забур 1:1-3; Ишаъё 48:17, 18).

2. Китоби Муқаддасро 40 нафар мардони гуногун аз соли 1513 қ. д. мо, дар тӯли 1600 сол навиштаанд. Он аз 66 китоб иборат аст. Нависандагони онро Худо илҳом бахшидааст. Онҳо на фикрҳои худ, балки фикрҳои Худоро навиштаанд. Бинобар ин, муаллифи Китоби Муқаддас на одами хокӣ, балки Худо аз осмон аст (2 Тимотиюс 3:16, 17; 2 Петрус 1:20, 21).

3. Худо чунон кард, ки Китоби Муқаддас дақиқ рӯйнавис шуда, аз нобудшавӣ эмин ёфт. Китоби Муқаддас беш аз ҳар китоби дигар чоп шудааст. Аз он ки ин китобро меомӯзед, на ҳама розӣ хоҳанд буд, вале нагузоред, ки шуморо аз омӯзиш боздоранд. Ояндаи ҷовидонаи шумо аз омӯзиш ва бархилофи зиддиятҳо иҷро намудани иродаи Худо, вобаста аст (Матто 5:10-12; Юҳанно 17:3).