Маҷаллаҳоеро, ки «бар ростӣ шаҳодат» медиҳанд, пешкаш кунед
1. Нақши маҷаллаҳои “Бурҷи дидбонӣ” ва “Бедор шавед!” чист?
1 Маҷаллаи “Бурҷи дидбонӣ — хабаррасони Салтанати Яҳува” (рус.) ва ҳамсафари он маҷаллаи “Бедор шавед!” (рус.) дар марзи аввали кори мавъиза ва шогирдсозӣ боқӣ мемонанд (Мат. 24:14; 28:19, 20). Мо аз мунтазам пешкаш кардани ин ду маҷаллаи саривақтӣ ҳангоми иштирок дар намудҳои гуногуни хидмат ба Салтанат шодем.
2. Чӣ дигаргуниҳое дар “Бурҷи дидбонӣ” ва “Бедор шавед!” ба амал омаданд ва аз чӣ сабаб?
2 Дар тӯли солҳо мо шоҳиди дигаргуниҳо дар шумораву таркиб ва ҳамчунин дар тарзи паҳн намудани онҳо шудем. Ин дигаргуниҳо дар ҳақиқат маҷаллаҳоро ҷолибу таъсирбахштар карданд, то ки пайғоми Салтанат ба дили ҳар гуна одамон роҳ ёбад ва онҳо «ба дониши ростӣ бирасанд» — 1 Тим. 2:4.
3. Пеш аз тайёр кардани пешниҳодоти маҷалла чӣ бояд кард?
3 Тайёр кардани пешниҳодот. Аввалан шумо бояд бо мақолае, ки барои пешкашкунӣ интихоб кардед, хуб ошно гардед. Шояд шумо пеш аз истифодаи маҷалла дар хидмат натавонед, ки бо ҳар мақолаи он хуб ошно шавед. Аммо ҳангоми пешкаши мақолаи интихобкардаатон, шумо бояд завқу эҳсосоту самимият зоҳир намоед. Шумо танҳо ҳамон вақт ин корро карда метавонед, агар бо маълумоти пешкашмекардаатон хуб ошно гардед.
4. Чӣ гуна мо худамон пешниҳодот тайёр карда метавонем?
4 Сипас, суханҳои мувофиқ барои оғози пешниҳод тайёр кунед. Саволҳои бамавриду рағбатовари бо мақола алоқаманд барои оғози сӯҳбат хидмат карда метавонанд. Барои роҳ ёфтан ба дилҳо ҳамеша ба қувваи Каломи Худо такя кунед (Ибр. 4:12). Ояти мувофиқи бо мавзӯи сарсуханҳоятон алоқамандро интихоб намоед; матне, ки дар мақолаи пешкашшаванда иқтибос ё оварда шудааст, беҳтар мебошад. Алоқамандии оятро бо мақола дида бароед.
5. Пешниҳодамонро чӣ гуна такмил дода метавонем?
5 Дар ҳар маврид. Барои дар ҳақиқат самаранок гаштани пешниҳодот, онҳоро ба кор бояд бурд. Ҳамроҳи ҷамъомад дар шаҳодат бо маҷаллаҳо рӯзҳои шанбе иштирок намоед. Маҷаллаҳоро ба одамоне, ки пештар адабиёти дигарамонро гирифтаанд, пешкаш кунед. Ҳамеша ба онҳое, ки ҳамроҳашон Китоби Муқаддас меомӯзед ё ба касоне, ки шояд ҳангоми боздидҳо ҳузур доранд, маҷаллаҳоро пешниҳод намоед. Ба касоне, ки ҳангоми харид, сафар ё интизории қабули духтур ҳамсӯҳбат мешавед, маҷалларо пешкаш карда метавонед. Пешниҳодоти дар давоми моҳ истифода мебурдаатонро такмил диҳед.
6. Аз кадом ҷиҳатҳо маҷаллаҳои “Бурҷи дидбонӣ” ва “Бедор шавед!” беҳамтоянд?
6 Маҷаллаҳои “Бурҷи дидбонӣ” ва “Бедор шавед!” беҳамтоянд. Онҳо Яҳуваро чун Молики Даҳр ҳамд мекунанд (Аъм. 4:24). Ин маҷаллаҳо бо пайғоми Салтанати Худо одамонро тасаллӣ мебахшанд ва барои имон овардан ба нақши Исои Масеҳ бармеангезанд (Мат. 24:14; Аъм. 10:43). Бар замми ин, онҳо ба он рӯйдодҳои ҷаҳонӣ чун ба иҷрошавии пешгӯии Китоби Муқаддас менигаранд (Мат. 25:13). Ба одамони маҳаллатон барои баҳра бурдан аз ин маҷаллаҳо, бо тайёр буданатон барои пешкашкунии онҳо дар ҳар фурасати муносиб, кӯмак намоед!
7. Барои боздид чӣ гуна замина гузошта метавонем?
7 Вақте ки бароятон додани маҷалла муяссар гашт ё бо касе дар мавзӯи динӣ дӯстона ҳамсӯҳбат шудед, барои додани савол ё гуфтани суханони ба мулоҳиза барангезанда тайёр бошед, ки барои боздид ва сӯҳбати наве роҳ кушода метавонанд. Агар мо бо ҷидду ҷаҳд тухми ҳақиқатро кишт кунем, итминон дошта метавонем, ки Яҳува дили онҳоеро, ки хоҳиши самимии шинохтану хидмат кардан ба Ӯро доранд, боз хоҳад кард — 1 Қӯр. 3:6.