Замимаи саволҳо

◼ Оё ҳар дуи волидон метавонанд дар ҳисобот вақти гузарондани омӯзиши ҳарҳафтаинаи оилавиро нависанд?

Гарчанд тарбияи фарзандон бар зиммаи падар гузошта шудааст, бояд ҳар дуи волидон аз рӯи «таълимот ва насиҳати Худованд» онҳоро тарбия кунанд (Эфс. 6:4). Китоби Муқаддас фарзандонро бармеангезад: «Эй писарам! Насиҳати падари худро бишнав, ва таълими модари худро рад накун» (Мас. 1:8). Яке аз ҷиҳатҳои муҳими тарбияи фарзандон,— ин гузарондани омӯзиши оилавии Китоби Муқаддас мебошад.

Пеш, дар ҳисобот вақти гузарондани омӯзиши оилавиро бо фарзандони таъмиднаёфта танҳо он волиде менавишт, ки омӯзиш мегузаронд, гарчанд ҳар дуяшон дар он иштирок мекарданд. Вале ҳоло бошад, ба ин ислоҳот дароварда шуд. Агар ҳангоми омӯзиши оилавӣ дар таълими фарзандон ҳар дуи волидон иштирок кунанд, ҳар яки онҳо метавонанд дар ҳисобот вақти хидмати мавъизаро на зиёда аз як соат дар як ҳафта нависанд, ҳарчанд онҳо одатан вақти зиёдтарро сарф мекунанд. Таълимдиҳии фарзандон кӯшишу ғайрати доимии ҳар дуи волидонро талаб мекунад (Такр. Ш. 6:6–9). Дар ҳисоботи ҳармоҳа, асосан вақти дар хидмати мавъиза сарфшуда навишта мешавад. Барои ҳамин, агар омӯзиш зиёда аз як соат ва дар як ҳафта якчанд маротиба бо ҳар як фарзанд дар алоҳидагӣ гузарад ҳам, дар ҳисобот танҳо як соати онро бояд навишт. Танҳо яке аз волидон дар ҳисобот омӯзиши оилавии Китоби Муқаддас ва як боздидро қайд мекунад.