«Китоби Муқаддас: таърихи дақиқ ва пешгӯиҳои боварибахш»
Чӣ исбот мекунад, ки Китоби Муқаддас аз назари таърих дақиқ аст? Кадом пешгӯиҳои аллакай иҷрошудаи Китоби Муқаддас боварӣ мебахшанд, ки пешгӯиҳои оянда низ иҷро хоҳанд шуд? Ин саволҳо дар филми «Китоби Муқаддас: таърихи дақиқ ва пешгӯиҳои боварибахш» муҳокима мешаванд. Ин филм дар қисми сеюми DVD диски «Китоби Муқаддас — китоби далелу пешгӯиҳост» ҷой дорад. Баъди тамошои ин филм, оё шумо метавонед ба саволҳои зерин ҷавоб диҳед?
1) Сарчашмаи маълумоти дақиқе, ки дар Китоби Муқаддас омадааст, кӣ мебошад? (Дон. 2:28) 2) Чӣ гуна Китоби Муқаддас дар бораи Мисри қадим тасаввуроти дақиқ медиҳад ва чӣ гуна пешгӯии Ишаъё 19: 3, 4 иҷро шуд? 3) Чӣ гуна археология гуфтаҳои Китоби Муқаддасро оиди ашшуриён, подшоҳони онҳо ва нобудкунии Ашшур, тасдиқ намуд? (Наҳум 3:1, 7, 13) 4) Кадом пешгӯиҳо дар мавриди Бобил иҷро шуданд? (Ирм. 20:4; 50:38; 51:30) 5) Пешгӯие ки ба Модаю Форс дахл дошт, чӣ гуна иҷро шуд? (Иш. 44:28) 6) Чӣ гуна пешгӯии Дониёл 7:6 ва 8:5, 8 дар мавриди Юнон иҷро шуд? 7) Чӣ гуна дар Дониёл 7:7 давлати ҷаҳонӣ гаштани Рум пешгӯӣ шудааст? 8) Кадом қайсарҳо дар Китоби Муқаддас номбар шудаанд? 9) Ҳангоми ҳукмронии Нерон бо масеҳиён чӣ рӯй дода буд? 10) Чӣ гуна пешгӯиҳои Ваҳй 13:11 ва 17:10 иҷро шуданд? 11) Аломатҳои подшоҳи ҳаштум кадоманд? 12) Кадом лаҳзаҳои филм ҳақ будани гуфтаҳои Воиз 8:9–ро исбот мекунанд? 13) Шумо иҷрошавии кадом пешгӯиҳоро дар оянда дидан мехоҳед? 14) Чӣ гуна шумо ба воситаи ин филм ба дигарон нишон дода метавонед, ки Китоби Муқаддас аз ҷониби Худост?