«Инро... ба ҷо оваред» Шоми ёдбуд 5 апрел қайд карда мешавад
1. Чаро қайд кардани Шоми ёдбуд муҳим аст?
1 «Инро барои хотираи ман ба ҷо оваред» (Луқ. 22:19). Бо ин суханон Исо ба пайравонаш фармуд, ки рӯзи марги ӯро қайд кунанд. Ба туфайли он ки фидия комёбиҳои зиёдро фароҳам овард, барои Шоҳидони Яҳува ҳар сол қайд кардани Шоми ёдбуд беҳтарин ё пурарзиштарин рӯз ба ҳисоб меравад. Бо наздикшавии ин ҷашнвора, ки 5 апрел қайд карда мешавад, чӣ гуна миннатдориамонро ба Яҳува нишон дода метавонем? (Қӯл. 3:15).
2. Чӣ тавр мо ба воситаи омӯзиш ва мулоҳиза миннатдориамонро барои Шоми ёдбуд нишон дода метавонем?
2 Тайёрӣ бинед. Одатан мо ба он чизҳое ки муҳим меҳисобем тайёрӣ мебинем. Мо бо аҳли оила оиди воқеаҳое, ки дар рӯзҳои охирини ҳаёти Исо рӯй доданд муҳокима ва мулоҳиза карда, ба Шоми ёдбуд дили худро омода карда метавонем (Эзр. 7:10). Рӯйхати нопурраи оятҳо оиди воқеаҳои пеш аз марги Исо дар тақвим ва «Муҳокимаи ҳаррӯзаи Навиштаҳо» оварда шудааст. Аммо рӯйхати пурраи оятҳо ва бобҳои ба ин воқеаҳо алоқамандро аз китоби «Бузургтарин инсон» (рус.), ки дар «Бурҷи дидбонӣ» (рус.), аз 1 феврали с. 2011 саҳ. 23, 24 оварда шудааст, ёфта метавонед.
3. Чӣ тавр мо бо бештар иштирок намудан дар хизмат, миннатдориамонро нишон дода метавонем?
3 Мавъиза кунед. Мо ҳамчунин миннатдориамонро бо он нишон дода метавонем агар дар хизмат пурра иштирок кунем (Луқ. 6:45). Рӯзи шанбе, 17 март дар тамоми ҷаҳон маъракаи даъваткунӣ ба Шоми ёдбуд сар мешавад. Оё шумо барои дар хизмат бештар иштирок намудан ё чун пешрави ёвар хизмат кардан ба реҷаатон дигаргунӣ дароварда метавонед? Хуб мебуд, ки инро дар шоми навбатии ибодати оилавиатон бо аҳли хонавода муҳокима кунед.
4. Мо аз қайд кардани Шоми ёдбуд чӣ манфиат гирифта метавонем?
4 То чӣ андоза ҳар сол қайд кардани Шоми ёдбуд манфиатнок аст! Азбаски мо оиди саховатмандии Яҳува, ки писари ягоназодашро чун фидия додааст, мулоҳиза меронем хурсандиву муҳаббати мо ба Худо меафзояд (Юҳ. 3:16; 1 Юҳ. 4:9, 10). Ин моро водор мекунад, ки ҳаёти фидокорона ба сар барем (2 Қӯр. 5:14, 15). Ин ҳамчунин моро бармеангезад, ки Яҳуваро дар пеши тамоми мардум ҳамду сано гӯем (Заб. 101:20–22). Албатта, ходимони шукргузори Яҳува маросими Шоми ёдбудро, ки 5 апрел баргузор мегардад, хеле интизоранд, то ки рӯзи марги Исоро эълон кунанд (1 Қӯр. 11:26).