Хабари Салтанати Худо сад сол боз мавъиза шуда истодааст!
1. Қариб як аср пеш халқи Яҳува ба кадом кор барангехта шуданд?
1 «Нигаред, Подшоҳ ҳукмронӣ мекунад! Шумо воизони ӯ ҳастед. Аз ин рӯ, Подшоҳ ва Салтанати ӯро мавъиза кунед, мавъиза кунед, мавъиза кунед!» Бо ин суханони ҳаяҷонбахш, ки бародар Ҷ. Рутерфорд қариб 100 сол пеш гуфта буд, халқи Яҳува барангехта шуданд, ки хабари Салтанатро дар ҳама ҷо мавъиза кунанд. Ва ин аст ҳамон коре, ки мо карда истодаем! Чун масеҳиёни асри як мо хабари Салтанатро «ба тамоми махлуқоти зери осмон мавъиза» карда истодаем (Қӯл. 1:23). Дар асри гузашта мо барои паҳн кардани хабари Салтанат чӣ корҳоро ба анҷом расонидем? Бо назардошти наздикшавии садумин солгарди ҳукмронии Салтанат мо чӣ тавр кори мавъизаро давом дода метавонем?
2. Чӣ тавр адабиёти мо ба пешравии кори Салтанати Худо мусоидат мекунанд?
2 Нигоҳ ба гузашта. Дар давоми даҳсолаҳо адабиёти мо ба пешравии кори Салтанати Худо мусоидат мекунанд. Аз соли 1939 то инҷониб маҷаллаи асосии мо чунин ном дорад: «Бурҷи дидбонӣ — хабаррасони Салтанати Яҳува». Дар ин маҷалла аксар вақт дар бораи Салтанат ва оиди он ки дар оянда он чӣ корҳоро ба анҷом мерасонад, муҳокима мегардад. Маҷаллаи «Бедор шавед!» ҳам диққати асосиро ба Салтанати Худо чун ба ягона умеди инсоният равона месозад. Аз ин рӯ то чӣ андоза бамаврид аст, ки ин ду маҷалла дар тамоми рӯи ҷаҳон ба забонҳои зиёд тарҷума ва нашр мешавад! (Ваҳй 14:6).
3. Баъзе аз тарзҳое, ки мо барои мавъизаи Салтанат истифода мебурдем, кадоманд?
3 Халқи Яҳува барои мавъиза кардани хабари Салтанат тарзҳои гуногунро истифода мебурданд. Дар аввал мо аз мошинҳое, ки баландгӯяк доштанд, радио ва патефонҳо истифода мебурдем. Ба туфайли ин тарзҳо хушхабарро шумораи зиёди одамон фаҳмиданд, дар сурате ки шумораи воизони Салтанат нисбатан кам буд (Заб. 18:5). Солҳои охир бошад, мо маълумотҳоро ба воситаи вебсайти jw.org дастраси дигарон мегардонем. Ҳамин тавр мо хабари Салтанатро ба миллионҳо одамон, ҳатто дар мамлакатҳое, ки фаъолияти мо маҳдуд аст, эълон мекунем.
4. Мо кадом чорабиниҳои махсусро ташкил додем?
4 Халқи Яҳува ҳамчунин барои паҳн кардани хабари Салтанат чорабиниҳои махсус ташкил медиҳанд. Масалан, дар нимаи аввали солҳои 1990-ум мо кӯшиш ба харҷ додем, ки ғайр аз кори муҳими мо — мавъизаи хона ба хона — дар боғҳои истироҳатӣ, истгоҳи мошинҳо ва корхонаҳо низ мавъиза кунем. Дар рӯзҳои охир мо шаҳодати махсусро дар ҷойҳои ҷамъиятии шаҳрҳои калони дунё ташкил додем. Ғайр аз ин бисёр ҷамъомадҳо дар миз ва стендҳои намоишӣ адабиётамонро гузошта, дар он ҷойҳои шаҳр, ки рафтуомади одамон хеле зиёд аст, мавъиза мекунанд. Ба ҳар ҳол, мавъизаи хона ба хона барои мо то ҳол тарзи асосии паҳн кардани хушхабари Салтанат мебошад (Аъм. 20:20).
5. Соли нави хизматӣ барои бисёре аз мо чӣ гуна имкониятҳоро фароҳам меорад?
5 Нигоҳ ба оянда. Аз аввали соли нави хизматӣ, дар моҳи сентябр, бисёриҳо чун пешрави доимӣ хизмат карданро сар мекунанд. Оё шумо ба қатори онҳо дохил шудан мехоҳед? Агар не, пас, оё шумо метавонед вақт аз вақт чун пешрави ёвар хизмат кунед? Новобаста аз он ки шумо пешрав ҳастед ё не, Яҳува, бешубҳа, ҳар гуна қурбониеро, ки шумо барои мавъизаи хабари Салтанат мекунед, баракат медиҳад (Мал. 3:10).
6. Чаро моҳи октябри соли 2014 моҳи махсус хоҳад буд?
6 Моҳи октябри соли 2014 садумин солгарди ҳукмронии Салтанат мешавад. Барои ҳамин дар он моҳ бамавқеъ аст, ки дар нашри оммавии «Бурҷи дидбонӣ» диққати асосӣ ба Салтанати Худо равона мешавад. Гарчанд ин маҷалла ба забони тоҷикӣ тарҷума карда намешавад, мо метавонем кӯшиш кунем, то рисолаи навро бо номи «Салтанати Худо чист?» ба шумораи ҳарчи бештари одамон тақсим кунем. Аз ин рӯ ба оянда нигоҳ карда, биёед минбаъд низ ҳар яки мо хушхабар дар бораи Салтанати Худоро ба ҳамаи онҳое, ки гӯш медиҳанд, мавъиза кунем (Аъм. 8:12).