Барои сар кардани сӯҳбат аз брошураи «Шиносоӣ бо Китоби Муқаддас» истифода баред
1. Кадом маводи нав ба мо дар хизмат кӯмак мекунад?
1 Дар нашри аз нав дида баромадашудаи «Тарҷумаи дунёи нав» қисме бо номи «Шиносоӣ бо Китоби Муқаддас» ҷойгир шудааст. Дар забони тоҷикӣ он дар намуди брошураи хурд дастрас аст. Чӣ тавр мо аз ин маводи нав ҳангоми ба мавъиза тайёрӣ дидан, истифода бурда метавонем? Ин мавод барои сар кардани сӯҳбат кӯмак мерасонад, зеро дар он мисли китоби «Музокира», зери мавзӯъҳои Китоби Муқаддас як қатор оятҳо оварда шудаанд.
2. Чӣ тавр мо дар хизмат аз «Шиносоӣ бо Китоби Муқаддас» истифода бурда метавонем?
2 Масалан, шумо саволи 8-умро истифода бурда, чунин гуфта метавонед: «Мо кӯтоҳакак ба назди одамон ташриф меорем, зеро бисёриҳо мехоҳанд фаҳманд, ки “Оё Худо ба ранҷу азоби одамизод сабабгор аст?” [Дар баъзе маҳаллҳо ба соҳибхона нишон додани ин савол манфиатноктар аст.] Шумо дар ин бора чӣ фикр доред? [Ба ҷавоб гӯш диҳед.] Китоби Муқаддас ба ин савол ҷавоби қонеъкунанда медиҳад». Сипас, як ё якчанд оятҳои овардашударо аз Китоби Муқаддас хонда муҳокима намоед. Агар шахс шавқ зоҳир кунад, шумо ба вай аз мундариҷаи брошура 20 саволи овардашударо нишон дода, аз ӯ хоҳиш карда метавонед, то яке аз саволҳоро барои дар вохӯрии навбатӣ муҳокима кардан, интихоб намояд. Ё ин ки шумо метавонед, яке аз адабиётҳои барои омӯзиш пешбиншударо, ки дар он оиди мавзӯи бо шахс муҳокимашуда, маълумоти бештар вуҷуд дорад, пешниҳод кунед.
3. Чӣ тавр мо барои сар кардани сӯҳбат дар маҳаллҳое, ки сокинонаш пайравони дини масеҳӣ нестанд, аз «Шиносоӣ бо Китоби Муқаддас» истифода бурда метавонем?
3 Саволҳои 4-ум ва аз 13 то 17-ум, махсусан ҳангоми хизмат дар маҳаллҳое, ки сокинонаш пайравони дини масеҳӣ нестанд, манфиатнок буда метавонанд. Масалан, шумо маълумоти саволи 17-умро истифода бурда, чунин гуфта метавонед: «Имрӯз мо кӯтоҳакак дар бораи душвориҳои оила гап зада истодаем. Оё шумо розиед, ки имрӯзҳо оилаҳо бо мушкилиҳои зиёд рӯбарӯ шуда истодаанд? [Ба ҷавоб гӯш диҳед.] Ин суханони хирадмандона, ба бисёр ҳамсарон манфиат оварданд: “Зан шавҳари худро бояд эҳтиром намояд”. [Шарт нест гуфтани он ки ин суханон аз Эфсӯсиён 5:33 гирифта шудаанд. Агар шумо бо зане ҳамсӯҳбат шавед, ба ҷои ин Эфсӯсиён 5:28-ро гуфта метавонед.] Ба фикри шумо дар издивоҷ истифода бурдани ин маслиҳат манфиатнок буда метавонад?»
4. Дар охири сӯҳбат бо онҳое ки пайравони дини масеҳӣ нестанд, чӣ бояд кард?
4 Дар охири сӯҳбат барои дафъаи дигар давом додани муҳокима, чораҳои амалӣ андешед. Эҳтимол, шумо барои муҳокима кардан, ояти дигари саволи истифодашударо ба нақша гиред. Дар вақти муносиб, ба соҳибхона фаҳмонед, ки ин суханони хирадмандона аз Китоби Муқаддас мебошанд. Ҳамчунин, вобаста аз мавзӯе, ки дар оянда муҳокима карданиед ва нуқтаи назари шахс ба Китоби Муқаддас, шумо метавонед он адабиётеро, ки ба вай шавқовар аст, пешниҳод кунед. (Нигаред ба мақолаи «Ба онҳое ки ҳоло ба омӯзиши китоби “Таълимот” омода нестанд, кӯмак расонед» дар «Хизмат ба Салтанати Худо», аз моҳи декабри с. 2013.)