Маҳорати худро дар хизмат беҳтар мегардонем. Ба одамони самимӣ ёрдам мекунем, ки шогирди Исо шаванд

ЧАРО ИН МУҲИМ АСТ: Яҳува тухми ҳақиқатро дар дили «онҳое, ки ба ҳаёти ҷовидонӣ моил»-анд, месабзонад (Ам 13:48; 1Қр 3:7). Мо дар хизмат бо Худо ҳамкорӣ карда диққати асосиро ба онҳое равона месозем, ки дониши гирифтаашонро ба кор бурдан мехоҳанд (1Қр 9:26). Мо бояд ба омӯзандагони Китоби Муқаддас фаҳмонем, ки барои наҷот ёфтан, таъмид гирифтан муҳим аст (1Пт 3:21). Мо ба омӯзандагони Китоби Муқаддас кӯмак мекунем, ки шогирди Исо шаванд. Барои ин ба онҳо ёрӣ мерасонем, ки ҳаёти худро тағйир дода, мавъиза кардан ва таълим доданро ёд гиранд. Ва ҳамчунин онҳоро бармеангезем, ки ҳаёташонро ба Яҳува бахшанд (Мт 28:19, 20).

ИНРО ЧӢ ТАВР БОЯД КАРД:

• Ба омӯзандагон ёдрас кунед, ки мақсади омӯзиш беҳтар шинохтани Яҳува ва ба кор бурдани чизҳои фаҳмидаашон мебошад (Юҳ 17:3).

• Ба онҳо кӯмак расонед, ки аз одатҳои бад ва дӯстони шубҳанок даст кашида ба Худо наздиктар шаванд.

• Онҳоро пеш аз таъмид ва баъд аз он низ дастгирӣ кунед (Ам 14:22).

ВИДЕОНАВОРИ «ЯҲУВА БА ТУ КӮМАК МЕКУНАД»-РО ТАМОШО КУНЕД ВА БАЪД БА САВОЛҲОИ ЗЕРИН ҶАВОБ ДИҲЕД

• Чӣ ба шахс халал расонда метавонад, ки ҳаёташро ба Худо бахшида таъмид гирад?

• Чӣ тавр пирон ба омӯзанда кӯмак расонда метавонанд, ки рӯҳан пешравӣ кунад?

• Мо аз Ишаъё 41:10 дар бораи Яҳува чӣ мефаҳмем?

• Кадом хислатҳо ба мо кӯмак мерасонанд, ки нигоҳ накарда ба нокомилиамон ба Яҳува содиқона хизмат кунем?