БА МАСЕҲ ПАЙРАВӢ КУНЕД

Вақтхуширо хирадмандона интихоб кунед

Чаро мо бояд вақтхуширо бохирадона интихоб кунем? Вақте мо интихоб мекунем, ки кадом филмро тамошо кунем, кадом мусиқиро гӯш кунем, ба кадом вебсайт дароем, кадом китобро хонем ва кадом бозии электрониро кунем, мо дар асл он чизеро интихоб мекунем, ки майнаи сари моро пур мекунад. Вақтхушиеро, ки мо интихоб мекунем, ба рафторамон таъсир мерасонад. Афсӯс, ки имрӯз бисёр вақтхушиҳо, бо чизҳое, ки Яҳува аз онҳо нафрат дорад, алоқаманд аст (Зб 10:5; Ғл 5:19–21). Барои ҳамин Китоби Муқаддас моро бармеангезад, то доимо дар бораи чизҳое мулоҳиза ронем, ки Яҳуваро ҷалол медиҳанд (Фп 4:8).

ВИДЕОНАВОРИ «ДАР ИНТИХОБИ ВАҚТХУШӢ ЭҲТИЁТ БОШ!»-РО МОНЕД ВА БАЪД БА САВОЛҲОИ ЗЕРИН ҶАВОБ ДИҲЕД:

Чаро гуфтан мумкин аст, ки бозиҳои ҳозира ба бозиҳои гладиаторон, ки дар Руми қадим мегузаштанд, монанданд?
Чӣ тавр бародарону хоҳарон ба ҷавонон ёрдам карда метавонанд, ки вақтхуширо хирадмандона интихоб кунанд?
Чӣ хел гуфтаҳои Румиён 12:9 дар интихоби вақтхушӣ ёрдам карда метавонад?
Масеҳиён чӣ хел вақтхушӣ карда метавонанд?

ШУМО КАДОМ ВАҚТХУШИРО ИНТИХОБ МЕКУНЕД?

Бисёр вақтхушиҳое, ки имрӯз ҳама ҷоро фаро гирифтаанд, одамро бармеангезанд, ки кам ҳаракат кунад. Филмҳо, китобҳо ва барномаҳои телевизионӣ аллакай фикрҳои тайёрро дар сари мо ҷой мекунанд. Ин маънои онро надорад, ки мо умуман бояд аз ин намуди вақтхушӣ даст кашем. Аммо бисёриҳо пай бурданд, ки вақтхушиҳое, ки ҳаракати одамро талаб мекунанд, бештар қаноатмандӣ меорад. Масалан, баъзеҳо расмкаширо нағз мебинанд, баъзеҳо бошанд, навохтани асбобҳои мусиқиро. Ба дигарон дар ҳавои тоза вақт гузарондан маъқул аст, барои мисол бо варзиш машғул шудан ё ба кӯҳ рафтан. Кадом вақтхушиеро, ки интихоб накунем, биёед кӯшиш кунем, ки «ҳама чиро барои ҷалоли Худо ба ҷо» орем (1Қр 10:31).