БА МАСЕҲ ПАЙРАВӢ КУНЕД
Овозаҳои дурӯғро паҳн накунед
Имрӯз ба воситаи рӯзномаҳо, радиову телевизион ва интернет маълумот дар байни миллионҳо одамон тез паҳн шуда метавонад. Онҳое, ки «Худои ростӣ»-ро ибодат мекунанд, намехоҳанд, ки маълумоти дурӯғро ҳатто тасодуфан паҳн кунанд (Зб 30:6; Хр 23:1). Овозаи дурӯғе, ки паҳн карда мешавад, зарари калон расонида метавонад. Вақте аниқ кардан мехоҳед, ки оё маълумот рост аст ё дурӯғ, аз худ пурсед:
Оё ин маълумотро шахси боваринок гуфт? Касе, ки ягон чизро нақл мекунад, шояд худаш дар ин бора маълумоти пурра надошта бошад. Вақте як кас ба каси дигар ягон гапро мегӯяд, хоҳу нохоҳ ба он дигаргунӣ медарорад. Барои ҳамин, вақте шумо сарчашмаи воқеаро намедонед, эҳтиёт бошед. Одатан ба касоне, ки дар ҷамъомад масъулият доранд, чун ба шахсони боваринок менигаранд. Аз ин рӯ хусусан чунин шахсон бояд эҳтиёт бошанд, то маълумотеро, ки рост ё дурӯғ буданаш маълум нест, паҳн накунанд.
Оё ин маълумот обрӯйи касеро мерезонад? Агар маълумот ягон шахс ё гурӯҳи одамонро бадном кунад, мо набояд онро ба дигарон расонем (Мс 18:8; Фп 4:8).
Оё ин хабар ба ҳақиқат монанд аст? Вақте ягон ҳодиса ё воқеаи ҳайратоварро мешунавед, эҳтиёт бошед.
ВИДЕОНАВОРИ «ПЕШИ РОҲИ ҒАЙБАТА ГИР!»-РО ТАМОШО КУНЕД ВА БАЪД БА САВОЛҲОИ ЗЕРИН ҶАВОБ ДИҲЕД:
Мувофиқи Масалҳо 12:18 суханони мо чӣ гуна осеб расонда метавонанд?
Мувофиқи Филиппиён 2:4 оё дар бораи дигарон гап задан раво аст?
Вақте касеро аз пушташ масхара мекунанд ё паст мезананд, мо бояд чӣ кор кунем?
Пеш аз он ки дар бораи дигарон гап занем, мо бояд аз худ чиро пурсем?