Оё шумо вақт ва қуввататонро ба Худо қурбон мекунед?

Имрӯз мо шоҳиди он ҳастем, ки чӣ тавр мувофиқи пешгӯйии Ишаъё ташкилоти Яҳува афзуда истодааст (Иш 54:2). Чунин афзоиш талаб мекунад, ки ибодатгоҳҳо, толорҳои анҷуман ва биноҳои нави филиал сохта шаванд. Баъд аз сохта шудани чунин биноҳо онҳоро нигоҳубин кардан лозим аст ва бо гузашти солҳо баъзеашонро ҳатто таъмири ҷиддӣ бояд кард. Ин барои ба Яҳува қурбон кардани вақту қувватамон имкониятҳои зиёд медиҳад. Кадом имкониятҳо?

• Мувофиқи реҷа ҳамроҳи гурӯҳи хизматиамон дар рӯбучини ибодатгоҳ иштирок кардан

• Ихтиёрӣ шуда нигоҳубини ибодатгоҳамонро ёд гирифтан

• «Варақа барои ихтиёриёни Шӯъбаи маҳаллии лоиҳакашӣ ва сохтмон (DC-50)»-ро пур карда, дар сохтмон ё таъмири биноҳое, ки дар маҳалламон ҷойгиранд, иштирок намудан

• «Варақа барои ихтиёриён (А-19)»-ро пур карда дар давоми як ҳафта ё бештар аз он дар Байт-Ил ва дигар биноҳои филиал ёрӣ додан

ВИДЕОНАВОРИ «ЛОИҲАИ НАВИ СОХТМОНӢ (ПОРЧА)»-РО ТАМОШО КУНЕД ВА БАЪД БА САВОЛҲОИ ЗЕРИН ҶАВОБ ДИҲЕД:

• Аз соли 2014 сар карда истифодаи видеонаворҳо дар ибодатамон чӣ қадар зиёд шуд?

• Бо афзудани талабот ба видеоҳо кадом сохтмон ба нақша гирифта шуд ва он бояд кай сар шавад ва чӣ қадар давом ёбад?

• Ихтиёриён дар ин лоиҳа чӣ тавр кӯмак карда метавонанд?

• Чаро агар мо дар сохтмони Рамапо иштирок кардан хоҳем, бояд аввал варақаро (DC-50) пур карда, бо шӯъбаи маҳаллии лоиҳакашӣ ва сохтмон ҳамкорӣ кунем?

• Чӣ нишон медиҳад, ки Яҳува ин лоиҳаро роҳнамоӣ мекунад?

• Ҳатто агар вазъият имкон надиҳад, ки дар ин сохтмон иштирок кунем, мо чӣ тавр онро дастгирӣ карда метавонем?