«Саволҳои ҷавонон. Чӣ тавр дӯстони ҳақиқиро ёфтан мумкин аст?»
Яҳува одамонро тавре офаридааст, ки онҳо ба муошират ва дӯстӣ майл доранд (Мас. 17:17; 18:1, 24). Барои он ки чунин муносибатҳо ҳам ба мо ва ҳам ба дӯстонамон манфиат бахшанд, мо бояд дӯстонамонро бодиққат интихоб кунем (Мас. 13:20). Баъд аз тамошои филми «Саволҳои ҷавонон. Чӣ тавр дӯстони ҳақиқиро ёфтан мумкин аст?», оё шумо метавонед ба саволҳои зерин ҷавоб диҳед?
Пешгуфтор:
1) Дӯсти ҳақиқӣ бояд чӣ гуна бошад?
Монеаҳо дар роҳи дӯстӣ:
2) Ҳиссиёти рад карда шуданро чӣ тавр бартараф сохтан мумкин аст? (Фил. 2:4). 3) Чаро мо бояд барои беҳтар кардани шахсияти худ тайёр бошем ва кӣ ба мо дар ин кӯмак карда метавонад? (2 Қӯр. 13:11). 4) Чӣ тавр ва аз куҷо мо дӯстони бештар пайдо карда метавонем? (2 Қӯр. 6:13).
Дӯстӣ бо Худо:
5) Чӣ тавр бо Яҳува дӯстии наздик инкишоф додан мумкин аст ва чаро ин ба кӯшишҳои мо меарзад? (Заб. 33:9). 6) Вақте ки Яҳува дӯсти наздиктарини мо мешавад, чӣ тавр ин ба он мусоидат мекунад, ки мо аз байни одамон дӯстони хуб пайдо кунем?
Дӯстони бад:
7) Киҳо ёрони бад шуда метавонанд? (1 Қӯр. 15:33). 8) Чӣ тавр дӯстони шубҳанок моро ба шикасти рӯҳонӣ оварданашон мумкин аст?
Драмаи ҳозиразамон:
9) Мо аз нақли Китоби Муқаддас оиди Дино ба худ чӣ дарс мегирем? (Ҳас. 34:1, 2, 7, 19). 10) Тара бо ҷавонони берун аз ҷамъомад дӯстӣ карданашро бо чӣ сафед мекард? 11) Бо дӯстони мактабиаш шинухез карда Тара бо чӣ хатарҳо дучор шуд? 12) Чаро волидони Тара ҳолати хатарнокеро, ки ӯ қарор дошт, пай набурданд, аммо бо кадом рӯҳия ба ӯ барои рӯҳан ба худ омадан кӯмак карданд? 13) Чӣ тавр хоҳари пешрав нишон дод, ки барои Тара дӯсти ҳақиқӣ аст? 14) Ба кадом чиз Тара муносибати худро дигар кард?
Хулоса:
15) Шумо аз ин филм чӣ дарс гирифтед? 16) Чӣ тавр шумо аз ин филм истифода бурда ба дигарон ёрӣ дода метавонед?
Биёед ҳамаи мо дӯстонеро интихоб кунем, ки барои нигоҳ доштани дӯстӣ бо Худо — дӯстии қимматтарин кӯмак мекунанд!