Воқеа аз «Солномаи 2015» (рус.), саҳ. 63, сарх. 2 то саҳ. 64, сарх. 1

СМС-нависӣ дар рӯзҳои боронгарӣ

Грег ва Алма қарор карданд, ки ба ҷазираи Катандуанес (Филиппин) кӯчанд, чунки он ҷо ба воизони Салтанат ниёз вуҷуд дошт. Азбаски дар он ҷазира кӯҳҳо бисёранд, ба онҳо лозим меомад, ки пиёда 19 километр роҳро тай кунанд. Барои ба ҷазираҳои дигар рафтан одатан лозим мешуд, ки 2 соат бо қаиқ шино кунанд. Дар рӯзҳои боронгарӣ ба ин гуна ҷойҳо рафтан қариб ки номумкин буд. Онҳо ки барои хизмат омада буданд, дар хона шиштан намехостанд. Бинобар ин Грег ва Алма хостанд, ки аз пешниҳоди ширкати мобилӣ истифода бурда, бо пардохти нисбатан камтар ба одамон бемаҳдуд СМС фиристанд.

Грег мегӯяд, ки ҳангоми СМС-нависӣ аввал вай худро муаррифӣ мекунад. Сипас илова мекунад: «Ман аз Китоби Муқаддас ба шумо хабареро расонданиам». Ӯ аҳамият дод, ки ояти Юҳанно 17:3-ро истифода бурдан, самаранок аст. Вай ин оятро навишта, ба одамон ду савол медод: «Худои ҳақиқӣ кист?» ва «Исои Масеҳ кист?». Баъдан вай ба одамон пешкаш мекард, ки ба саволаш ҷавоб нависанд. Агар одам ҷавоб диҳад, Грег боз ояти дигар, ба мисли Забур 82:19-ро мефиристод. Агар одамон ба СМС-ҳои Грег ҷавоб додан гиранд, вай ба онҳо бо телефон идома додани сӯҳбатро пешкаш мекунад. Грег ва Алма мегӯянд, ки бисёриҳо ба ин таклифашон розӣ мешаванд.

Боре онҳо ба зане СМС навиштанд, ки оиди Китоби Муқаддас якчанд саволҳо дошт ва онҳо байни ҳамдигар бисёр СМС-нависӣ карданд, ки дар натиҷа бо ӯ омӯзиш сар карда шуд. Он зан дар бораи чизҳои фаҳмидааш ба ҷияну ҳамкораш нақл кард, ки баъдтар ҳарсеяшон таъмид гирифтанд.