Маълумоти аниқу боваринок

Луқо 1:3

МАҚСАДИ ДАРС: Барои он ки шунавандагон ба хулосаи дуруст оянд, маълумоти боваринокро оред.

ИНРО ЧӢ ТАВР КУНЕМ?

• Ба манбаъҳои боваринок рӯ оред. Дар асоси Китоби Муқаддас гап занед ва аз рӯйи имкон оятҳоро аз худи он хонед. Агар шумо ягон воқеа, маълумоти илмӣ ё ахбореро оварданӣ бошед, пешакӣ аниқ кунед, ки манбаъҳои истифодашуда сазовори боварианд ва маълумоти онҳо кӯҳна нашудааст.

• Сарчашмаҳоро дуруст истифода баред. Оятро тавре фаҳмонед, ки бо оятҳои поёну болои он ва дигар оятҳои Китоби Муқаддас, инчунин бо адабиёти «ғуломи бовариноку боандеша» мувофиқ бошад (Мат. 24:45). Вақте аз дигар сарчашмаҳо маълумотро қисман меоред, эҳтиёт шавед, ки он чизеро ки муаллиф дар назар дошт, тағйир надиҳед.

• Маълумотро муҳокима кунед. Баъди хондани оят ё овардани ягон маълумот ба шунавандагон савол диҳед ё мисоле оред, то онҳо мулоҳиза ронда ба хулосаи дуруст оянд.