ሕታም መጽናዕቲ

ዓንቀጻት መጽናዕቲ

▪ ነቶም ንየሆዋ ዜፍቅርዎ፡ ‘ዜዐንቅፎም የልቦን’

ኵልና ክርስትያናት ኣብቲ ናይ ዘለኣለም ህይወት ንምርካብ ዚግበር ቅድድም ኢና ዘለና። ኰይኑ ግና፡ ብምኽንያት እቲ ዝወረስናዮ ሓጢኣት፡ ኵላትና ንዕንቀፍ ኢና። እዛ ዓንቀጽ እዚኣ፡ ነቲ ኼዐንቅፈና ዚኽእል ሓሙሽተ ነገራት ንኸነለልዮ ትሕግዘና፣ ነዚ ንቕድድምና ንኸይንዛዝም ዚዓግተና ነገራት ብኸመይ ክንሰግሮ ኸም እንኽእል ከኣ ትገልጽ።

▪ ‘ንየሆዋ ዚፈልጥ ልቢ’ ድዩ ዘሎካ፧

ትንቢት ኤርምያስ ብዛዕባ ልቢ ብዙሕ ነገራት ትሕብረና እያ። እዛ ዓንቀጽ እዚኣ፡ ‘ዘይተገዝረ ልቢ’ እንታይ ማለት ምዃኑ ንኽንርዳእ ትሕግዘና፣ ‘ዘይተገዝረ ልቢ’ ሎሚ ንዘለዉ ክርስትያናት እውን እንተ ዀነ ብኸመይ ሓደገኛ ኸም ዝዀነ ኸኣ ትገልጽ። ብዘይካዚ፡ ብኸመይ ‘ንየሆዋ ዚፈልጥ ልቢ’ ኸነጥሪ ኸም እንኽእል ትሕብር።—ኤር. 9:26፣ 24:7።

▪ ‘ንኣምላኽ ምስ ፈለጥካዮ፡’ ሕጂ እንታይ ክትገብር ኢኻ፧

ንኣምላኽ ንኽንፈልጦን ብእኡ ንኽንፍለጥን እንታይ ስጕምቲ ኢና ኽንወስድ ዘሎና፧ ሓደ ሰብ ኣብ መንፈሳዊ ብስለት ምስ በጽሐ እውን እንተ ዀነ፡ ከም ክርስትያን መጠን ዕቤቱ ዘየቋርጽ ብኸመይን ስለምንታይን እዩ፧ እዛ ዓንቀጽ እዚኣ፡ ነዘን ሕቶታት እዚአን ክትምልሰን እያ።

▪ የሆዋ መዕቈቢና

ብመንፈሳዊ መዳይ ሓደገኛ ኣብ ዝዀነት ዓለም ንነብር እኳ እንተለና፡ እንፈርሃሉ ምኽንያት የብልናን። እዛ ዓንቀጽ እዚኣ፡ የሆዋ ኣምላኽና ብኸመይ ጽኑዕ መዕቈቢ ኸም ዝዀነ ትሕብር።

▪ ነቲ ዓብዪ ስም የሆዋ ኣኽብሮ

ሓደ ኻብቶም ብስም ኣምላኽ እተጸውዑ ህዝቢ ምዃን እንታይ ማለት እዩ፧ በቲ ስም እቲ ምምልላስከ እንታይ ማለት እዩ፧ የሆዋ ነቶም ንስሙ ዘየኽብርዎ ሰባት ብኸመይ እዩ ዚርእዮም፧ እዛ ዓንቀጽ እዚኣ፡ ነዘን ሕቶታት እዚአን ትምልሰን።