ሕታም መጽናዕቲ

ኣገልገልቲ ኣምላኽ ናብ መንፈሳዊ ብስለት ንምብጻሕ፡ ብመንፈሳዊ መዳይ ንምዕባይ ጻዕሪ ኺገብሩ ይግባእ። ነቲ ኣምላኽ ዝሃቦም ሕልናኦም እውን ኬሰልጥንዎ ይግባእ። እዘን ዓንቀጻት እዚአን፡ ብስለትን ሕልናን ኣብ ከመይ ዝበለ መዳያት ህይወትና ኽንዓየሉ ኸም ዚግባእ ብምግላጽ፡ ኣብ ክልቲኡ ጕዳይ ግብራዊ መምርሒ ይህባ።

ካብቲ ጴጥሮስ ኣብ ባሕሪ ገሊላ ኪኸይድ ዝፈተነሉ ኣጋጣሚ፡ ብዛዕባ እምነት ኣገዳሲ ትምህርቲ ንረክብ ኢና። እዛ ዓንቀጽ እዚኣ፡ ኣብ እምነትና ኺህልወና ዚኽእል ድኽመት ከነለሊ ትሕግዘና፡ ንእምነትና ኸመይ ጌርና ኸም እነደልድላ ድማ ትሕብረና።

የሆዋ ኸም ዜፍቅረና ምፍላጥናን ንፍቕሩ ምላሽ ምሃብናን፡ ኣብ ህይወትና ኻብ ኵሉ ዝዓበየ ዕግበትን ሓጐስን የምጽኣልና። ኣብዘን ክልተ ዓንቀጻት እዚአን፡ የሆዋ ኸመይ ገይሩ ፍቕሩ ኸም ዜርእየና፡ ንሕና እውን ከመይ ጌርና ፍቕርና ኸም እነርእዮ ኽንምርምር ኢና።