SAPAK 6

Aýatlary dogry ulanyň

Ýahýa 10:33—36

BELLIK: Aýady ýöne bir okap, soňra indiki pikire geçmäň. Diňleýjiler okan aýadyňyz bilen aýdýan zatlaryňyzyň arasyndaky baglanyşyga gowy düşünmeli.

NÄDIP ETMELI?

Esasy sözleri nygtaň. Aýady okanyňyzdan soň, ondaky esasy sözleri belläp geçiň. Munuň üçin olary gaýtalaň ýa-da diňleýjiler esasy sözleri görüp biler ýaly, olara sorag beriň.

Eger siz aýatdaky pikiri nygtamak üçin başga sözleri ulanýan bolsaňyz, onda diňleýjileriň okan aýadyňyz bilen temanyň baglanyşygyna düşünendigine göz ýetiriň.
Pikiri nygtaň. Aýady näme üçin okaýandygyňyzy aýtsaňyz, ondaky sözleriň esasy pikiri nädip nygtaýandygyny düşündiriň.

Aýady okap düşündireniňizde, Mukaddes Ýazgylary açyk saklaň. Şonda diňleýjiler hem öz Mukaddes Ýazgylaryndan yzarlap, aýdýan sözleriňiz bilen aýadyň baglanyşygyny görüp biler.
Gysgaça düşündiriň. Tema bilen baglanyşykly bolmadyk jikme-jiklikleri aýtmakdan gaça duruň. Diňleýjileriň tema barada bilýän zatlaryny göz öňünde tutup, ony düşündireniňizde, näçeräk maglumat aýtmalydygyny kesgitläň.