SAPAK 11

Joşgunly gepläň

Rimliler 12:11

BELLIK: Diňleýjileriň ýüregine täsir etmek we hereket etmäge höweslendirmek üçin joşgunly geplemeli.

Ýüregiňizi taýýarlaň. Taýýarlananyňyzda, aýtjak zatlaryňyzyň wajypdygy hakda çuňňur oýlanyň. Ýürekden çykyş edip biler ýaly, temaňyzy gowy özleşdiriň.
Diňleýjiler hakda oýlanyň. Okaýan ýa-da öwredýän zatlaryňyzyň başgalara nähili peýda getirjekdigi barada pikirleniň. Aýdylýan zatlara diňleýjileriň minnetdarlygy artar ýaly, maglumaty nädip aýtjakdygyňyz hakda oýlanyň.
Çykyşyňyzy janlandyryň. Munuň üçin joşgunly gepläň. Ýöne çykyşyňyz ýasama bolmasyn. Duýgularyňyz ýüz-gözüňizden we hereketiňizden görünsin.

Diňleýjileriň ünsi bölünmez ýaly, şol bir hereketleriňizi köp gaýtalamaň. Hereketleriňiz adaty bolsun. Esasy pikirleri aýdanyňyzda we diňleýjileri hereket etmäge höweslendireniňizde, joşgunly gepläň. Ýöne çendenaşa we başyndan soňuna çenli joşgunly geplemäň, ýogsam diňleýjiler ýadar.