Awit

52 Bakit mo ipinaghahambog ang kasamaan, O ikaw na makapangyarihan?+

Ang maibiging-kabaitan ng Diyos ay buong araw.+

 2 Mga kapighatian ang ipinapanukala ng iyong dila, na pinatalas na gaya ng labaha,+

Na gumagawa nang may panlilinlang.+

 3 Inibig mo ang kasamaan nang higit kaysa sa kabutihan,+

Ang kabulaanan kaysa sa pagsasalita ng katuwiran.+ Selah.

 4 Inibig mo ang lahat ng salitang nananakmal,+

O ikaw na dilang mapanlinlang.+

 5 Ibabagsak ka rin ng Diyos magpakailanman;+

Ilulugmok ka niya at ihihiwalay ka niya mula sa iyong tolda,+

At bubunutin ka nga niya mula sa lupain ng mga buháy.+ Selah.

 6 At makikita iyon ng mga matuwid at matatakot sila,+

At siya ay pagtatawanan nila.+

 7 Narito ang matipunong lalaki na hindi ginagawang kaniyang tanggulan ang Diyos,+

Kundi nagtitiwala sa kasaganaan ng kaniyang kayamanan,+

Na sumisilong sa mga kapighatiang dulot niya.+

 8 Ngunit ako ay magiging gaya ng mayabong na punong olibo+ sa bahay ng Diyos;

Nagtitiwala ako sa maibiging-kabaitan ng Diyos hanggang sa panahong walang takda, magpakailan-kailanman.+

 9 Pupurihin kita hanggang sa panahong walang takda, sapagkat ikaw ay kumilos;+

At aasa ako sa iyong pangalan, sapagkat ito ay mabuti, sa harap ng iyong mga matapat.+