Pahina Dos

Vials ng Shabu​—Parang mga Bala sa Baril

Ang mga ahensiya na tagapagpatupad ng batas ay nagsisikap na sugpuin ito. Ang mga magulang ay pinapatay ng kanilang mga anak sa paghahangad nito. Ang mga bata ay pinapaslang ng kanilang mga magulang na nasa ilalim ng impluwensiya nito. Ang hinaharap na buhay ng mga sanggol na nasa sinapupunan pa ay sinisira nito. Ang mga purok sa lungsod ay mabilis na nagiging mga sona ng digmaan sa hangad na makontrol ito. Yaong walang pinipiling napapatay ay isinisilid sa mga bag bunga nito. Ang mga kawani sa emergency-room ng ospital ay patang-pata dahil dito. Ang mga negosyante ng lahat ng edad ay kumikita ng napakalaki sa pagbebenta nito. Ito ay tinutukoy na “pangarap ng negosyante at masamang panaginip naman ng gumagamit.”