Nananabik Ka ba sa Panahon na . . .

□ ikaw ay ligtas at tiwasay sa iyong tahanan​—anumang oras sa maghapon?

□ hindi na kakailanganin ang mga kandado, rehas, alarma, mga silipang-butas, bakod, guwardiya, mga asong bantay, at iba pang mga paraan na ukol sa katiwasayan?

□ ikaw ay makalalakad sa mga kalye nang mag-isa ngunit walang anumang panganib, kahit na kung gabi?

□ ang ipinagbabawal na mga gamot at lahat ng mga suliraning kaugnay nito ay isa na lamang lumipas na alaala?

□ lahat ng digmaan ay wala na, at ang mga armas ay wala na ring gagawa ni magtatalaksan man?

□ ikaw ay hindi na mag-aalala tungkol sa pagkain, hangin, at tubig na apektado ng polusyon?

□ ang terorismo, ang pangho-hostage, at mga banta ng pagpapasabog ng bomba ay lubusang mawawala na?

□ ang likas na kayamanan ng lupa ay maiingatan, mapananatili, at gagamitin nang may kapantasan para sa ikabubuti ng lahat?

□ ang kasakiman at kaimbutan ay hindi na siyang nasa likod ng motibo ng sangkatauhan?

□ ang mga bata ay mananatili sa kanilang kawalang-malay at magiging magalangin sa iba at sa kanilang ari-arian?

□ ang mga babae ay hindi na aapihin at bibiktimahin?

□ ang mga batas at mga regulasyon ay magiging makatarungan at isasakatuparan nang may katarungan sa ikabubuti ng lahat?

□ ang pamahalaan ay magpapasiya salig sa tunay na mga pangangailangan at hindi salig sa pulitika?

□ ang kalayaan at pagkakapantay-pantay ay hindi lamang ipangangaral kundi susundin na rin?

□ ang karalitaan ay wala na, kundi lahat ay magkakaroon ng anumang kailangan para sa kanilang kalusugan, ikabubuti, at ikaliligaya?

□ ang mga anak ay mamahalin at aasikasuhin at hindi aabusuhin o pababayaan?

□ ang sakit at kamatayan ay napagtagumpayan na, at wala na ang kakila-kilabot na mga salot?

□ lahat ng masalubong mo ay mga taong mababait, matulungin, at mapagkakatiwalaan?

□ ang buhay ng bawat isa ay tunay na mamahalagahin, at lahat ay makasusumpong ng walang-hanggang kaligayahan?

□ ang relihiyon ay hindi na magsisilbing tagapagbaha-bahagi, na humahantong sa pagkapanatiko, pagkapoot, at mga digmaan?

□ ang lahat ay magkakaroon ng sapat at kaaya-ayang mga dakong titirahan, at ang kawalang-tahanan ay nalibing na sa limot?

Kung ang sagot mo ay oo sa alinman sa binanggit na, ikaw ay magiging interesado sa pagbabasa ng sumusunod na mga artikulo.