Mga Patalastas
◼ Alok na literatura sa Agosto: Alinmang brosyur (maliban sa mga brosyur na Dugo at Edukasyon) sa ₱6.00. Setyembre: Life—How Did It Get Here? By Evolution or by Creation?, malaking edisyon sa ₱60.00, maliit na edisyon sa ₱30.00. (Para sa mga hindi nagbabasa ng Ingles, ang aklat na Mabuhay Magpakailanman ay maaaring ialok bilang kahalili.) Oktubre: Isang taóng suskrisyon sa Gumising! sa ₱120.00. Nobyembre: Ang Kaalaman na Umaakay sa Buhay na Walang-Hanggan sa ₱20.00. PANSININ: Ang mga kongregasyong hindi pa nakapipidido ng mga babasahin para sa kampanya gaya ng nasa itaas ay dapat gumawa ng gayon sa kanilang susunod na buwanang Literature Order Form (S-AB-14).
◼ Ang bawat kongregasyon ay tatanggap ng dalawang Literature Inventory form (S-18) kasama ng kanilang statement ng kuwenta sa Hunyo. Pakisuyong gumawa ng aktuwal na pagbilang sa lahat ng literaturang nasa stock sa Agosto 31, 1996 at punan nang kumpleto ang mga porma, na ibinabalik ang orihinal sa Samahan nang hindi lalampas sa Setyembre 6. Ingatan ang duplikado sa inyong salansan.
◼ Titipunin ng kalihim ng kongregasyon ang mga ulat sa paglilingkod para ipasok sa Congregation Analysis Report form (S-10). Maingat din niyang tatagubilinan ang sinumang matanda o mga ministeryal na lingkod na marahil ay tumutulong sa kaniya sa pagtitipon ng ulat. Dahilan dito’y matitiyak ang isang tumpak na tabulasyon ng kinakailangang impormasyon mula sa mga Publisher Record card (S-21). Ang Congregation Analysis Report form (S-10) ay dapat punan nang wasto at masinop at maingat na suriin ng komite sa paglilingkod.
◼ Ang mga pidido para sa Pagsusuri sa Kasulatan Araw-Araw—1997 at ang 1997 calendar ay dapat ipadala na ngayon sa Samahan. Kami’y nagpapadala ng isang special order blank sa bawat kongregasyon kasama ang statement ng kuwenta sa Hunyo para sa dalawang bagay na ito. Kapag natanggap ninyo ito, punan at ibalik ito sa Samahan nang hindi lalampas sa Agosto 15. Ang kontribusyon para sa Pagsusuri sa Kasulatan Araw-Araw ay ₱10.00 sa mga mamamahayag. Isang libreng kopya ang maaaring ibigay sa mga special at regular pioneer na nasa talaan mula Hulyo 1, 1996, at ang kongregasyon ay hihiling ng credit para dito sa Remittance and Credit Request form (S-20) kapag sila’y nagpapadala ng bayad pagkatapos matanggap ang mga buklet. Ang mga payunir ay maaaring kumuha ng karagdagang kopya para maisakamay sa di pa naaalay na mga tao sa ₱5.00 bawat isa. Pakisuyong ipakita ang mga libreng kopya na hiwalay doon sa halaga sa payunir kapag humihiling ng credit. Ang kalendaryo ay ₱20.00 at walang ibang halaga nito para sa payunir, ni may ibibigay na libre sa mga payunir.
◼ Mayroon pang panahon para sa mga nagpaplanong magsimula sa paglilingkuran bilang regular pioneer sa Setyembre 1, 1996 na isumite ang kanilang mga aplikasyon. Kapag ang mga ito ay inaprobahan ng komite sa paglilingkod dapat na ipadala sa koreo ang mga ito sa Samahan nang walang pagkabalam upang ang pagsang-ayon ay matanggap bago ang Setyembre 1.
◼ Yamang pasisimulan nating pag-aralan ang aklat na Pinakadakilang Tao sa mga Pag-aaral ng Kongregasyon sa Aklat sa Setyembre, maaaring magustuhan ng ilang kapatid na pumidido ng album ng 8 cassette para sa aklat na ito na makukuha sa Ingles. Ang pakikinig sa mga cassette na ito ay maaaring maging isang mainam na paraan upang maghanda sa pag-aaral ng aklat. Ang kontribusyon ay ₱385.00 para sa mamamahayag at ₱295.00 para sa payunir.
◼ Makukuhang mga Bagong Publikasyon: Muling inimprentang tomo ng Watchtower para sa 1959 (Ang mga kongregasyon at mga indibiduwal ay hinihimok na pumidido ng mga tomong ito upang makumpleto ang kanilang teokratikong aklatan; ang kontribusyon ay ₱120.00.)—Ingles