Patitigilin ni Jesus ang mga Digmaan

Noong nasa lupa si Jesus, ipinakita niyang mahal na mahal niya ang mga tao. Ibinigay pa nga niya ang buhay niya para sa kanila. (Mateo 20:28; Juan 15:13) Di-magtatagal, ipapakita niya ulit sa mga tao na mahal niya sila. Kikilos siya bilang Hari ng Kaharian ng Diyos para ‘patigilin ang mga digmaan sa buong lupa.’—Awit 46:9.

Ganito ang sinabi ng Bibliya tungkol sa gagawin ni Jesus:

• “Ililigtas niya ang dukha na humihingi ng tulong, at ang hamak at ang sinumang walang katulong. Maaawa siya sa hamak at sa dukha, at ililigtas niya ang buhay ng mga dukha. Sasagipin niya sila mula sa pang-aapi at karahasan.”—Awit 72:12-14.

Paano natin maipapakita ang pasasalamat natin sa mga ginawa at gagawin pa ni Jesus para sa atin? Ang isa sa puwede mong gawin ay pag-aralan ang tungkol sa “mabuting balita ng Kaharian ng Diyos,” na ipinangaral niya. (Lucas 4:43) Basahin ang artikulong “Ano ang Kaharian ng Diyos?”