Tanong

◼ Hanggang kailan dapat turuan sa Bibliya ang isang masulong na estudyante?

Mas mabuting patuloy na turuan sa Bibliya ang isang masulong na estudyante hanggang sa matapos niya ang dalawang publikasyon—Ano ba Talaga ang Itinuturo ng Bibliya? at Manatili sa Pag-ibig ng Diyos. Kapit ito kahit nabautismuhan na siya bago pa niya matapos pag-aralan ang dalawang aklat na ito. Matapos siyang bautismuhan, maaari pa rin nating iulat ang oras, pagdalaw-muli, at pag-aaral sa Bibliya. Kung may kasama tayong mamamahayag sa pag-i-study sa kaniya, maaari din nitong iulat ang oras.—Tingnan ang Marso 2009 ng Ating Ministeryo sa Kaharian, pahina 2.

Mahalaga na magkaroon ng matibay na pundasyon sa katotohanan ang mga baguhan bago ihinto ang kanilang study. Kailangang “nakaugat” na sila kay Kristo at ‘pinatatag sa pananampalataya’ para makayanan ang mga pagsubok na tiyak na haharapin nila. (Col. 2:6, 7; 2 Tim. 3:12; 1 Ped. 5:8, 9) Isa pa, para maging mahuhusay na guro, kailangang may ‘tumpak na kaalaman sila sa katotohanan.’ (1 Tim. 2:4) Kung tuturuan natin ang ating mga estudyante hanggang sa matapos nila ang dalawang aklat, tinutulungan natin silang manatili sa “daan na umaakay patungo sa buhay.”—Mat. 7:14.

Bago sang-ayunan sa bautismo ang isa, dapat na tiyakin ng mga elder na nauunawaan niya nang lubusan ang mga pangunahing turo ng Bibliya at namumuhay na siya ayon dito. Dapat na lalong maging maingat ang mga elder kapag isinasaalang-alang para sa bautismo ang isang estudyante na hindi pa natatapos pag-aralan ang unang aklat. Kung ang isa ay hindi pa kuwalipikado sa bautismo, titiyakin ng mga elder na mabibigyan ito ng kinakailangang tulong para maging kuwalipikado sa bautismo sa hinaharap.—Tingnan ang Organisado Upang Gawin ang Kalooban ni Jehova, sa pahina 217-218.

[Blurb sa pahina 2]

Mahalaga na magkaroon ng matibay na pundasyon sa katotohanan ang mga baguhan