Sampol na Presentasyon

Para Makapagpasimula ng mga Pag-aaral sa Bibliya sa Unang Sabado ng Oktubre

“Dumadalaw kami sandali para makipag-usap tungkol sa mahusay na gobyerno. Sa tingin mo, may gobyerno kaya na makapag-aalis ng mahihirap na problema, gaya ng krimen at kawalang-katarungan?” Hayaang sumagot. Ipaalaala sa may-bahay na sa panalanging “Ama Namin,” tinuruan ni Jesus ang mga tagasunod niya na ipanalanging dumating ang gayong gobyerno, ang Kaharian ng Diyos. Ipakita ang huling pahina ng Oktubre 1 ng Bantayan, at talakayin ang materyal sa ilalim ng unang tanong at kahit isa sa mga binanggit na teksto. Ialok ang mga magasin, at sabihing babalik ka para talakayin ang susunod na tanong.

Oktubre 1

“Nakikipag-usap kami tungkol sa sinasabi ng panalanging itinuro ni Jesus sa mga tagasunod niya. [Basahin ang Mateo 6:​9, 10.] Naipaliwanag na ba sa iyo kung ano ang Kaharian ng Diyos at kung bakit lagi itong itinuturo noon ni Jesus? [Hayaang sumagot.] Ipinakikita ng magasing ito ang sinasabi ng Bibliya tungkol sa Kaharian ng Diyos pati ang magagandang gagawin nito sa lupa.”

Oktubre

“Dumadalaw kami sandali para tulungan ang mga tao na malaman ang sagot sa tanong na ito. [Ipakita ang pabalat ng magasin.] Sa tingin mo, dapat bang maging mayaman ang isa para masabing matagumpay talaga siya? [Hayaang sumagot.] Ipinapakita ng Bibliya ang isang balanseng pananaw sa materyal na pag-aari. [Basahin ang Lucas 12:15.] Ayon sa Bibliya, kahit sino ay puwedeng maging tunay na matagumpay. Ipinapaliwanag ‘yan sa magasing ito.”