Kung Bakit Nagpapatuloy ang Digmaan at Kaguluhan

KASALANAN

Ginawa ng Diyos ang unang mga magulang natin, sina Adan at Eva, ayon sa larawan niya. (Genesis 1:27) Ibig sabihin, kaya nilang ipakita ang mga katangian ng Diyos, gaya ng kapayapaan at pag-ibig. (1 Corinto 14:33; 1 Juan 4:8) Pero hindi sumunod sa Diyos sina Adan at Eva at nagkasala. Bilang resulta, nagmana tayo ng kasalanan at kamatayan. (Roma 5:12) Dahil dito, nakakapag-isip at nakakagawa tayo ng masama.—Genesis 6:5; Marcos 7:21, 22.

GOBYERNO NG TAO

Hindi tayo nilalang ng Diyos para pamahalaan ang sarili natin. Sinasabi ng Bibliya: “Hindi para sa taong lumalakad ang ituwid man lang ang sarili niyang hakbang.” (Jeremias 10:23) Kaya hindi talaga lubusang maaalis ng mga gobyerno ng tao ang digmaan at karahasan.

SI SATANAS AT ANG MGA DEMONYO NIYA

Sinasabi ng Bibliya: “Ang buong mundo ay nasa ilalim ng kapangyarihan ng isa na masama.” (1 Juan 5:19) Ang “isa na masama” ay si Satanas na Diyablo, at mamamatay-tao siya. (Juan 8:44) Iniimpluwensiyahan niya at ng mga demonyo niya ang mga tao na magsimula ng digmaan at karahasan.—Apocalipsis 12:9, 12.