19:23

Daan: Gaya ng makikita sa study note sa Gaw 9:2, ang ekspresyong “Daan” ay tumutukoy sa kongregasyong Kristiyano noon. Ang tunay na Kristiyanismo ay hindi lang pormalidad o pakitang-taong pagsamba. Isa itong paraan ng pamumuhay na nakasentro sa pagsamba sa Diyos at ginagabayan ng kaniyang espiritu. (Ju 4:23, 24) Ang mababasa sa Syriac na Peshitta ay “daan ng Diyos”; ang mababasa naman sa Latin na Vulgate na nirebisa ni Clement ay “daan ng Panginoon.” At sa ilang Hebreong salin ng Kristiyanong Griegong Kasulatan (may code na J^{17, 18} sa Ap. C4), ginamit ang pangalan ng Diyos at ang mababasa ay “daan ni Jehova.”