ARALIN 2

Pagiging Natural

2 Corinto 2:17

KUNG ANO ANG GAGAWIN: Magsalita sa natural na paraan at mula sa puso.

Manalangin at maghandang mabuti. Hilingin sa panalangin na tulungan kang magpokus, hindi sa sarili, kundi sa mensahe mo. Gawing malinaw sa isip ang pangunahing mga punto na kailangan mong talakayin. Sabihin ang mga ideya sa sarili mong pananalita; huwag lang basta sabihin ang mga nakaimprentang salita.

Kung iniisip mong magbasa ng Bibliya o iba pang publikasyon, maging pamilyar sa binabasa mo para maging matatas ang iyong pagbabasa. Kung may babasahin kang sinabi ng isang tao, basahin ito nang may damdamin, pero huwag namang sobra.
Magsalita mula sa puso. Pag-isipan kung bakit kailangan ng mga tagapakinig mo ang mensahe. Sa kanila ka magpokus. Sa gayon, makikita sa tindig mo, pagkumpas, at ekspresyon ng mukha na taimtim ka at nagmamalasakit sa kanila.

Magsalita sa paraang natural pero disente pa ring pakinggan. Magsalita nang malinaw at ayon sa tamang balarila para mapanatili ang dignidad ng mensahe mo.
Tumingin sa mga tagapakinig. Kung angkop, tumingin sa mata ng tagapakinig mo. Kapag nagpapahayag, tumingin sa mga indibidwal imbes na daanan lang ng mata ang buong kongregasyon.