EKADIMWELO LO AMBOLA W’OMA LO BIBLE

Lande kelamɛ Yeso Ɔna Nzambi?

Nzambi bu la wadi la mɛtɛ mɛtɛ lakote lande ana. Nde mbakatonge diangɔ tshɛ diele la lɔsɛnɔ. Anto wakatongama la dikoka dia mbokoya waonga waki Nzambi. Diakɔ diele, Adama etongami ka ntondo kakatonge Nzambi la nkɛtɛ mbelamɛka “ɔna Nzambi.” Woho akɔ waamɛ mbele, Yeso mbelamɛka “Ɔna Nzambi” nɛ dia nde akatongama la waonga wele oko wa She, mbuta ate Nzambi.​—Adia Luka 3:38; Joani 1:14, 49.

Etena kakɔna kakatongama Yeso?

Nzambi akatonge Yeso la ntondo ka ntonga Adama. Teye dia Nzambi mbakatonge Yeso ndo nde akakambe lande dia ntonga diangɔ dikina tshɛ mbidja ndo andjelo. Diakɔ dielɛ Bible Yeso ɔnɛ: “enondo wa diangɔ tshɛ diakatongama.”​—Adia Kɔlɔsayi 1:15, 16.

La ntondo ka nde ndjootɔ oko onto la Bɛtɛlɛhɛma, Yeso akasɛnaka oko etongami ka lo nyuma l’olongo. L’etena kakalɔngɔswama, Nzambi akadje lɔsɛnɔ la Yeso lo tshimbo ya nyuma k’ekila l’otema wa Mariya dia nde ndjotɔ oko onto.​—Adia Luka 1:30-32; Joani 6:38; 8:23.

Lande na kaketawɔ Nzambi dia Yeso mbotɔ oko onto la nkɛtɛ? Ɔkɛndɛ akɔna wa laande wakahombe Yeso ndjokotsha? Ekadimwelo lo ambola anɛ tanemaka lo Bible ndo vɔ wayokokimanyiya dia wɛ nyomoleka nshihodia ndo monga la lowando lo kɛnɛ kakasale Nzambi nde la Yeso lo dikambo diayɛ.