Nsanganya y’Olimu ya Ngɔndɔ ka Divwa
Lomingu la Ngɔndɔ ka Divwa 4
Taahe 10: Waewoyelo ndo Waewoyelo wendana l’Olimu Aso wa Diolelo.
Taahe 18: “Vɔ Nɔmbaka Efula oma le Wanɛ Wakawasha Efula.” Ayosalema la wembola ndo ekadimwelo. Keketsha anangɛso l’akadiyɛso wakotsha kɛnɛ kalɔmbama dia vɔ sangoya dia kamba olimu w’ombatshi mboka wa tshanda lo Ngɔndɔ ka Dikumi.
Taahe 17: “Tewoya Anto ‘Awui wa Pɔlɔfɛsi’ ” Sɛdingola atshina w’akambo. Sɛngɔla ampokami dia vɔ kɔndɔla woho wakawakambe la dibuku Révélation: dénouement kana woho wakawadisha anto. Keketsha onto l’onto dia mɛna akambo la sso di’ɔlɔlɔ etena kashanande dibuku diakɔ, nɛ dia diɔ diekɔ lo tɛkɛta akambo wasalema nshi nyɛ wendana l’onto tshɛ. Ɛnyɛlɔ ɔtɔi kana diɛnyɛlɔ dihende lo ndjela wɛnyanyelo wolakanyemi. Ɛtɛkɛta wa ndjihelo.
Osambu 31 ndo dɔmbɛlɔ dia ndjihelo.
Lomingu la Ngɔndɔ ka Divwa 11
Taahe 10: Waewoyelo. Alapɔlɔ wa wɛdikelo wa falanga.
Taahe 15: “Vɔ Kotshika Sambisha.” Ɔkɛtshanyelo kâmɛ l’ampokami. Koke epole ɔsɛkɛ ɔnɛ oyadi kânga sho tshɛ hatokoke mbetsha wenya woho ɔtɔi l’olimu, sho pombaka kondja ɔngɛnɔngɛnɔ oma lɔkɔ ndo ndjatshutshuya dia kamba olimu akɔ l’anima aso tshɛ.
Taahe 20: “Bɛtɛlɛ Ekɔ l’Ohomba w’Anto Wayakimɔ la Lolango.” Ayosalema la wembola ndo ekadimwelo oma l’odingɔ 1 polo 7. Ɛtɛkɛta wa ndjihelo.
Osambu 36 ndo dɔmbɛlɔ dia ndjihelo.
Lomingu la Ngɔndɔ ka Divwa 18
Taahe 15: Waewoyelo. Ɛnyɛlɔ: Nkumbo kɛmɔtshi ekɔ lo kamba l’Annuaire 1995. Ase nkumbo kakɔ wekɔ lo mandola dibuku diakɔ; shɛwɔ ekɔ lo tɛkɛta akambo efula wakasalema wɔkɔndwami oma lo lɛkɛ 3 polo 11 lo tshena pe. Vɔ tshɛ wekɔ lo menda kâmɛ woho wayowokoka sala dia mbalaka akatshi amɔtshi wa dibuku Annuaire l’atei a nkumbo lomingu tshɛ ndo ndjashikikɛ dia sɛdingolaka, nshi tshɛ, divɛsa dia lo lushi diele lo biukubuku Scrutons les Écritures chaque jour.
Taahe 15: Ehomba wa l’etshumanelo kana dako diotombi oma lo sawo diele l’ɔtɛ a dui w’ɔnɛ “Nyofute elambo le wanɛ wahombanyu mbisha elambo’ ” diakatombe lo Tshoto y’Etangelo ya Ngɔndɔ ka Dikumi l’Ɔtɔi 15, 1994 (lo Falase), lɛkɛ 26 polo 28.
Taahe 15: “Tokimanyiya Akina dia Vɔ ‘Kitanyiya Akambo Wofundami.’ ” Nyɔsɛdingole atshina w’akambo. Ɛnyɛlɔ ɔtɔi kana diɛnyɛlɔ dihende lo ndjela waendelo w’eyoyo wolakanyemi. Ɛtɛkɛta wa ndjihelo.
Osambu 52 ndo dɔmbɛlɔ dia ndjihelo.
Lomingu la Ngɔndɔ ka Divwa 25
Osambu 205
Taahe 5: Waewoyelo.
Taahe 20 “Bɛtɛlɛ Ekɔ l’Ohomba w’Anto Wayakimɔ la Lolango.” Odingɔ 8 la 9 ayosalema oko ɛnyɛlɔ: ombutshi ɔmɔtshi wa pami ayela alako woshami ko nde sawolaka l’ɔnande leke ɔlɔngɔlɔngɔ lo dikambo di’oyango w’olimu wa lo Bɛtɛlɛ ndo ekɔ lo mbɛ̂nya woho wokokinde ndjalɔngɔsɔla lo dikambo diakɔ. Naka Ase Bɛtɛlɛ wekɔ l’atei w’etshumanelo kana wanɛ waki lo Bɛtɛlɛ, ombutshi kokaka mbelɛ ɔmɔtshi kana ahende dia ndjɔtɔ lo sawo diakɔ. L’ɔkɔngɔ w’ɛnyɛlɔ, odingɔ 10 polo 13 wayɔsɛdingwama la wembola ndo ekadimwelo.
Taahe 20: Tɛnyanya Tshoto y’Etangelo la Réveillez-vous! lo Ngɔndɔ ka Dikumi. Lo mbilo yakindjakindjama efula, sho kokaka mbisha anto ndo oseka biukubuku tshɛ ya woke (onyake L’école). Naka onto ɔmɔtshi ambɛnya saki etena kasalaso waendelo w’eyoyo, kete ayokoka mbosha abɔnɛma. Ohola yema y’alako nyɛ lo kɛnɛ kendana la wɛnyanyelo wa periodikɛ lo luudu la luudu: ndjâla l’elungi k’ɔm’ɔnɔmɔnɔ; salangana; tɛkɛta ɔkɔkɛ ɔkɔkɛ; mɛnya paka sawo ɔtɔi to lo periodikɛ ɔtɔi; tshuma onto periodikɛ; mbêwoya ɔnɛ tayokalola dia ndjotshikɛ numɛlɔ yayoyela; ndjihiya sawo lo woho w’ɔlɔlɔ etena katona onto periodikɛ; nembetɛ saki tshɛ kakɛnyami ndo okanda tshɛ wakatatshiki. Ɛnyɛlɔ ɔtɔi kana diɛnyɛlɔ dihende lo komelo ka sawo diɛnya woho wa mɛnyanya numɛlɔ yeke ka tomba ya periodikɛ. Ɛtɛkɛta wa ndjihelo.
Osambu 176 ndo dɔmbɛlɔ dia ndjihelo.