Nsanganya Y’olimu Ya Yâta Afusa
Lomingu la Yâta Afusa 3
Taahe 10: Waewoyelo. Waewoyelo wendana l’Olimu Aso wa Diolelo. Tɛkɛta dia alapɔlɔ w’olimu wa ngɔndɔ ka Tshango wa l’etshumanelo.
Taahe 20: “ ‘Mbetawɔ lo Dui dia Nzambi’—Losanganya la Distrikɛ 1997.” La wembola ndo ekadimwelo. Kosale ndo ɛnyɛlɔ kɛmɔtshi ka taahe 5 kɛnya owandji wa nkumbo (papa) atɛkɛta l’ase nkumbo kande lo dikambo dia woho wayalɔngɔsɔlawɔ dia mbɔtɔ lo losanganya lawɔ la distrikɛ.
Taahe 15: “Tekɔ l’Akoka ndo la Dihomɔ dia Ndakanya Akina.” (od. 1-6) Sha kɔmatɛrɛ lo hiembola lo od. 1-2 lo tɛtɛ di’ohomba wa monga l’elongamelo ɔnɛ l’ekimanyielo ka Jehowa sho kokaka ndakanya akina dimɛna efula. Dia od. 3-6, lɔngɔsɔla diɛnyɛlɔ dia lomamatanya pende diayɛnya woho wa sawola l’onto lam’ahomananyu mbala ka ntondo ndo woho wa sala diendelo di’oyoyo. Ohola apandjudi ɔnɛ lam’atshikɛso anto ekanda, sunganaka dia mbatɛ ɔnɛ tekɔ l’ɔngɛnɔngɛnɔ dia nongola weshasha awɔ lo dikambo dia olimu wa l’andja w’otondo.
Osambu 14 ndo dɔmbɛlɔ dia ndjihelo.
Lomingu la Yâta Afusa 10
Taahe 15: Waewoyelo. Alapɔlɔ wa falanga. Tɛkɛta dia tokanyi t’oma lo periodikɛ yeke ka tomba tokoki onto kamba latɔ dia tatɛ sawo. Sha tokanyi lo woho wokokiso ndjalowola le onto dia mbosambisha lo tshakitudi. Mbola apandjudi dia vɔ mbuta kɛnɛ katowotaka lo mbɔtwɛlɔ lam’atowosambishaka lo wa makashinyi, l’ɔsɛsɛ, lo lobingu, lo mituka wɛmɛmba anto, ndo l’ahole akina. Tɛkɛta dia tɛdikɔ tambɔsama dia sambisha lomingu lakɔ.
Taahe 15: “Tekɔ l’Akoka ndo la Dihomɔ dia Ndakanya Akina.” (od. 7-9) Kɔndɔla awui wele lo Annuaire 1995, lɛkɛ 45, wendana la waendelo w’eyoyo ndo ka epole ɔsɛkɛ l’ohomba wa mbesa saki tshɛ. Sɛngɔla opandjudi ɔmɔtshi wakoka dia nde sala od. 7-8 lo yoho yele oko ɛnyɛlɔ. Oyadi kânga tambâtshikɛ ekanda ekina ntondo, sho pombaka sala tshɛ dia ndjeka la wɔ Bible l’ekimanyielo ka dibuku Ewo. Keketsha onto tshɛ dia nde ndjaombɛ etena lo lomingu layaye dia sala waendelo w’eyoyo.
Taahe 15: Ehomba wa l’etshumanelo kana “Tokitshake Wetsho aso Nshi Tshɛ le Jehowa.” Dako diasha ekeketshelo di’ɔsami oma lo Tshoto y’Etangelo ya Mɔmbi 1, 1996, lɛkɛ 27-30 (lo Falase).
Osambu 15 ndo dɔmbɛlɔ dia ndjihelo.
Lomingu la Yâta Afusa 17
Taahe 10: Waewoyelo.
Taahe 15: “Anto wa Weho Tshɛ Wayoshimbamela.” La wembola ndo ekadimwelo. Mbola ampokami dia vɔ kɔndɔla awui amɔtshi lo tshena pe wɛnya woho wakawakoke konya anto w’oma l’atshunda wotshikitanyi lo vɔ mbetawɔ losango.
Taahe 20: Tosambisha oma lo Lɔkɛwɔ Laso l’Ɔlɔlɔ. Ekumanyi kɛmɔtshi asawole l’ɛlɔngɔlɔngɔ ehende kana esato lo Tshoto y’Etangelo ya Loseketanya 15, 1987, lɛkɛ 10-20. (lo Falase) Ta diɛnyɛlɔ di’oma l’ekanda, kâmɛ ndo nɛ dia lo ngelo kanyu, diɛnya woho wakâmbe wanɛ watenda lo mɛna lɔkɛwɔ l’ɔlɔlɔ l’Akristo w’ɛlɔngɔlɔngɔ.
Osambu 23 ndo dɔmbɛlɔ dia ndjihelo.
Lomingu la Yâta Afusa 24
Taahe 5: Waewoyelo.
Taahe 10: Sekeletɛlɛ asɛdingole ɔtɛ a dui wa Ekadimwelo lo Wembola Anyu.
Taahe 15: “Tekɔ lo ‘Sambisha Dui.’ ” La wembola ndo ekadimwelo. Sha kɔmatɛrɛ mɔtshi yɛnya ɔnɛ sho mbeyaka mɛtɛ nɛmɔ dia Dui dia Nzambi.—Enda lo Réveillez-vous! wa Mam’ɛkɔngɔ la Tange 22, 1984, lɛkɛ 10-12.
Taahe 15: Ekanda wayotɛnyanya lo Asase a Ndjoko. Ta akambo wa lânde w’ohomba wele lo dibuku, oko wanɛ: (1) ɛtɛ w’awui wa mamba wa totshapita, (2) asango wele l’alangi, (3) tokombokombo ndo kartɛ y’ohomba efula l’olakanyelo, (4) wembola wasokoya onto dia kana yimba. Lo ndjela kɛnɛ kakatami lo sawo dia ntondo, keketsha ampokami dia vɔ kamba la divɛsa dimɔtshi diasungana lo sawo diawɔ. Keketsha onto tshɛ dia nde somba abuku wa kamba lawɔ lomingu lɔnɛ.
Osambu 26 ndo dɔmbɛlɔ dia ndjihelo.