“Mbetawɔ Lo Dui Dia Nzambi”—Losanganya La Distrikɛ 1997
1 Lo nshi yaso nyɛ, Jehowa kambaka la nsanganya ya distrikɛ y’ɔnɔnyi l’ɔnɔnyi dia ndakanya ekambi ande wosanganyi ndo dia mbaonganyiya ɔlɔ wa ngandji k’Akristo k’onto l’ɔnango. Nsanganya ya distrikɛ 1996 “Akɛndji wa Wɔladi a Nzambi” yakasalema lo Zaïre la lo Congo yakatshumanya anto 317872; efula l’atei awɔ wakândola tokanyi tasha ekeketshelo takatama lɔkɔ kâmɛ ndo ɛlɔlɔ wa lâdiko wakawakondja oma lo wonyelo w’olimu wa mbo ya ndɛ, oko ɔngɛnɔngɛnɔ wa mbetsha wenya efula kâmɛ l’anangɛwɔ l’akadiyɛwɔ ndo lo woho wakawakeketshana l’asawɔ. Ambeki 4350 wakɔshi yɛdikɔ ya kamba oko akɛndji wa wɔladi a Nzambi wakabatizama oko djembetelo ya ndjakimɔ kawɔ le Nzambi. Woho wakatakondja ɛlɔlɔ oma lo ekongelo kahɛtshahɛtsha asolo k’ɔnɔnyi wetshi pombaka tosokoya dia sho sala la weolo aso tshɛ dia mbɔtɔ lo losanganya la distrikɛ 1997: “Mbetawɔ lo Dui dia Nzambi.” L’ɔkɔkɔ w’ekakatanu efula wahomana l’anto nshi yaso nyɛ, sho tshɛ nangaka mɛtɛ mbelɛ wanɛ weka la so Bible dia ntshɔ la wɔ lo assemblée akɔ. Le onto tshɛ la l’atei aso sho wanɛ walanga tetemala la kambɛ Jehowa la mbetawɔ l’etena kɛnɛ k’ekomelo, nsanganya shɔ yayotosha ekeketshelo ndo wolo lo nyuma.
2 Nyotayalɔngɔsɔdi k’ɔlɔmɔ woho wa nyu monga lo nshi shato ya dambo dia dimɛna efula sɔ dia lo nyuma, oma ko osambu wa tatelo polo lo dɔmbɛlɔ dia ndjihelo. Tena efula, assemblée wahombayɛ ntshɔ mboleki suke la lakayɛ. La Société akasale tshɛ dia nyokitshɛkitshɛ wotsho lo dikambo sɔ. Ahole efula w’eyoyo wa sala assemblée wambokotshama lâdiko dia wanɛ waki ɔnɔnyi wetshi dia kimanyiya onto tshɛ la l’atei aso dia nde ndeshama lo nyuma kâmɛ la wa lo luudu lande tshɛ. (Euh. 31:12) Ɔnɛ kele etena ka kanyiya kɛnɛ kayonyokoka sala dia kondja akuta wahombama dia nyu tshɛ ntshɔ. Dia mɛnya lowando lo weolo wakadje la Société, tambolongamɛ dia onto tshɛ ayɔtɔ lo assemblée wakawelɛ otshimbedi awɔ. Koko, naka ɔkɔkɔ ɔmɔtshi w’oshika wekɔ wahombayɛ mbɔtɔ lo assemblée okina, kete ndoko layokoshimba dia wɛ ntshɔ.
3 Lam’ɔsanyu tɛdikɔ dia mbɔtɔ lo losanganya la distrikɛ, nyɛnya ngandji lo kanɛka wanɛ wele l’ohomba w’ekimanyielo, djekoleko wanɛ weke kandjasha lo mɛtɛ, woho wa ndo vɔ lawɔ monga lo tenyi tshɛ dia losanganya. Ayonga ohomba efula sɛdingola awui wele lo sawo nɛ kâmɛ la wanɛ weka la so Bible ndo wasangoya dia ntshɔ l’assemblée. (Ngal. 6:6, 10) Lushi la Tanu la la Samalo, assemblée ayotatɛ la mishiki lo 9h30 ndo ayoshila otsha lo 16h30. Etenyi ka lushi la Lomingu la pindju kayotatɛ lo 9h30, ndo assemblée ayoshila otsha lo 15h50. Alako wayela anɛ wayonyokimanyiya lam’ayalɔngɔsɔlanyu.
4 Tena efula ase assemblée tohangaka laka anto. Sho pombaka mɛnya lowando laso le anangɛso l’akadiyɛso wetawɔ todjasha lawakawɔ. Ndo nto, hosungana dia wanɛ walongolawɔ ngasɔ nanya ɔlɔlɔ ɔsɔ ndo tohika ɔnɛ wawasha mpango edja la ntondo kana l’ɔkɔngɔ w’assemblée. Mpango mbishamaka paka lo nshi ya assemblée. Wanɛ washawɔ mpango ya ngasɔ pombaka nɛmiya diangɔ diaki kanga luudu lohangiwɔ, aha nanya ndoko ema, aha ntshɔ l’ahole wewɔ hawowaele, ndo nama dia ndo anawɔ sala woho akɔ wamɛ. Naka akanga a mvudu yohangi anto wekɔ l’okakatanu ɔmɔtshi lo dikambo sɔ, vɔ pombaka mbewoya wanɛ wakamba olimu wa pangia anto esadi, vɔ wayonga l’ɔngɛnɔngɛnɔ dia mbâkimanyiya. Dia olimu wa pangia anto kɛndakɛnda dimɛna, pombaka onto tshɛ mbisha lonya. (Heb. 13:17) Wakatotɛ ɔnɛ anto amɔtshi totshikaka luudu lakawawosha la panga aha la mbuta ko ntshɔ lo lokina lele ɔngɛnyi ande kana onto ɔmɔtshi leyana la nde. Dikambo sɔ futanyaka lotumu l’anangɛso wakamba olimu wa pangia anto. Sho nyɔlɔmbaka nyu tshɛ dia nyu mbisha lonya l’olimu ɔsɔ.
5 Esombe w’anto kana wanɛ wele la dikɔmɔ, ekambi wa lo tena tshɛ kana akina mbeyaka monga l’ohomba w’ekimanyielo dia vɔ monga l’assemblée. Wanɛ wôtɔ la wɔ, dikumanyi kana ase etshumanelo weya pâ yawɔ ya lânde kokaka sala kɛnɛ kahombama la ngandji tshɛ, koko aha kitsha ɔkɛndɛ awɔ tshɛ l’ahɛka w’anangɛso walɔngɔsɔla assemblée.—Enda lo 1 Timote 5:4.
6 Mɛtɛ Jehowa mbishaka ekimanyielo kande lo kɛnɛ kasalema lo dikambo dia nsanganya ya weke yasalema ɔnɔnyi l’ɔnɔnyi. Lam’ele anangɛso efula wamɔ oma lawakawɔ dia ntshɔ otsha lo losanganya la distrikɛ wekɔ l’ohomba wa mvudu ya panga, sho kokaka monga l’eshikikelo ɔnɛ Jehowa ayokotsha ehomba awɔ lo woho wakoka. Lam’ele akambo asɔ mendanaka la ɔtɛmwɛlɔ wa mɛtɛ, sho pombaka ndjela alako wotoshawɔ l’ɔngɛnɔngɛnɔ. Tɛnya dia tekɔ la kɔlamelo lo kɛnɛ koleki tshitshɛ; ko tayonga la dikoka dia kondja ɛlɔlɔ efula wakongɛ wanɛ walangema le Jehowa.—Luka 16:10.
7 Isaya 33:20 mbutaka ɔnɛ: “Endi Siona, usumba wa nshi yasu ya waki yakawashikike!” Sho kokaka kanyiya elui w’anto waki l’ɔngɛnɔngɛnɔ wakalodja Jerusalɛma ndo wakakotshaka didjango diaki Jehowa aha l’okakatanu, didjango dia ndjâlaka paka l’ɔngɛnɔngɛnɔ oto. (Euh. 16:15) Nsanganya yaso ya distrikɛ toshaka diaaso dia lânde dia nongola wetshelo wa Nzambi ndo dia kondja ɔlɔlɔ wa lânde wa monga kâmɛ l’anangɛso ndo l’akadiyɛso. Jehowa atshɔkɔlɛ weolo wadjanyu dia nyu ndjalɔngɔsɔla dia mbɔtɔ lo losanganya la distrikɛ 1997 “Mbetawɔ lo Dui dia Nzambi.”
NSHI AHOLE ETSHIMBEDI WELAME
Lotena Eduwa 11-13 Kinshasa (F, LI-1) KIN-1, KIN-3, KIN-4, KIN-7, KIN-8, KIN-10, KIN-12, KIN-13
Lotena Eduwa 18-20 Kinshasa (LI-2) KIN-2, KIN-5, KIN-6, KIN-9, KIN-11, BZ-3, BZ-6
Brazzaville (F) CO-1, CO-4, CO-5, etenyi CO-7, etenyi CO-8
Matadi (LI) BZ-1, BZ-5
Mbandaka (LI) E-2, E-7, E-16, E-17, E-23, E-24
Isiro (LI) HZ-2, etenyi HZ-17, HZ-18
Boende (LI) E-3, E-6, E-13, E-27
Lotena Eduwa 25-27 Gemena (LI) E-1, E-14
Dungu (LI) HZ-6, HZ-13, etenyi HZ-17
Kisangani (F, LI) HZ-1, HZ-7, HZ-14
Lisala (LI) E-8, E-11, E-18, E-21
Pointe-Noire (F, MK) CO-2, CO-6, etenyi CO-8
Kimpese (LI) BZ-2, BZ-4, BZ-7, BZ-8
Loseketanya 01-03 Gbadolite (LI) E-5, E-9, E-19
Kisangani (SW) HZ-5, HZ-9, HZ-16
Bandundu (LI) B-1, B-10
Buta (LI) HZ-8, HZ-11
Bumba (LI) E-4, E-12, E-15, E-20, E-22, HZ-3, HZ-10, HZ-15
Ouesso (F) CO-3, etenyi CO-7
Loseketanya 08-10 Popokabaka (LI) B-7, etenyi B-13
Lodja (OT) KA-4, etenyi KA-11, KA-12, KA-27, KA-32
Mulongo (KU) S-8, etenyi S-9, S-10, S-14, S-16
Kindu (SW) KI-3, KI-13
Buja/Uvira (RU, SW) BU-1, BU-2, BU-3, KI-8
Nioki (LI) B-4, B-6, B-14, B-15
Loseketanya 15-17 Bukavu (SW) KI-1, KI-11, KI-12
Bunia (SW) HZ-4, HZ-12
Kamina (KU, SW) etenyi S-7, etenyi S-9, S-15
Lubumbashi (F, SW) etenyi S-1, S-2, S-13
Kole (OT) KA-7, etenyi KA-11, etenyi KA-21, KA-26
Tembo (LI) B-17, etenyi B-13
Loseketanya 22-24 Goma (SW) KI-2, KI-6, KI-14
Beni (SW) KI-5, KI-10
Likasi (F, SW) etenyi S-1, S-17, S-20, S-23
Kime (KU) S-4, S-6, etenyi S-7, S-24
Ilebo (LI, SH) KA-10, KA-15, etenyi KA-21, KA-29
Kirungu/Moba (SW) S-12, S-18, S-19
Loseketanya 29-31 Butembo (SW) KI-7, KI-9
Kolwezi (F, SW) etenyi S-1, S-3
Pepa (SW) S-11, S-25
Kananga (F, SH) KA-1, KA-9, KA-14, KA-18, KA-19, KA-28, KA-30
Kikwit (F, MK) B-2, B-22, B-24, etenyi B-19
Bokungu (LI) E-10, E-25, E-26
Lovula 05-07 Mbuji-Mayi (F, SH) KA-2, KA-8, KA-16, KA-17, KA-20, KA-25
Tshikapa (F, SH) KA-6, KA-22, KA-23, KA-31
Bulungu (MK) B-5, etenyi B-19, B-20
Lovula 12-14 Kabinda (SH) KA-5, KA-13
Sandoa (DR, SW) S-5, S-21
Idiofa (MK) B-8, B-16, etenyi B-18
Lovula 19-21 Mwene Ditu (SH) KA-3, KA-24
Kongolo (SW) KI-4, S-22
Gungu (MK) B-11, B-12, etenyi B-18, B-23
Kenge (MK) B-3, B-9, B-21
[Caption on page 6]
[Box on page 6]
LOSANGANYA LA DISTRIKƐ 1997