Ovuswelo Wendana la Kalasa K’olimu wa Teokrasi
Ovuswelo w’aha la mbifola abuku w’endana l’awui wakekama lo Kalasa k’Olimu wa Teokrasi lo ndjela elimu wakakahanyema dia sala tatɛ ma lo lomingu la Yitshu 5 polo ndo lo Loseketanya 18, 1997. Nyɔsɛ tɛtshi t’akatshi dia funda ekadimwelo anyu lɔkɔ lo ndjela lofulo la wembola wahombanyu kadimola lo yɛdikɔ ya wenya yoshami.
[Diewoyelo: L’edja kayosalema ovuswelo a lofunda, paka Bible keto kahombama munandema dia kadimola lo wembola tshɛ. Ahole wotumbi wembola ndo wele l’ekomelo ka wembola ele dia nyokimanyia woho wa nyu ntsha eyangelo anyu. Esangɔ ɛmɔtshi, numɛlɔ ya ndjɛkɛ la y’edingɔ lo oseka Tshoto y’Etangelo tshɛ hɛ̂nyama.]
Kadimola ɔnɛ Mɛtɛ kana Kashi lo wetelo wayela ɛnɛ:
1. Hɛzɛkiya akayele lokolo la Ahaza wa she lo keketsha ɔtɛmwɛlɔ wa nzambi ya kashi lo Juda. [ad lɛkɛ 513]
2. Akambo wɛnya ɔnɛ tɔsɛna lo nshi y’ekomelo tanemaka paka lo Mateu 24, Mako 13, la lo Luka 21. [kl-OT lɛkɛ 102 kiombokombo]
3. Dimbola diakoke Joani Obatizanyi lo Luka 7:19 mɛnyaka ɔnɛ nde komonga la mbetawɔ. [Walelo wa Bible wa lomingu la lomingu; enda lo w87 1/1 lɛkɛ 16.]
4. Pasaka k’ekomelo kakasale Yeso l’ambeki ande, paka Petero oto mbakawotɛ ate: ‘Hakangunaki pondjo.’ [Walelo wa Bible wa lomingu la lomingu]
5. Ndoko djembetelo mɔtshi ya lo Bible yɛnya ɔnɛ ɔpɔstɔlɔ Petero aki la wadi. [Walelo wa Bible wa lomingu la lomingu]
6. Diolelo diakasambishaka Yeso diekɔ okotsha, kana okimanyedi wa lowandji la l’andja w’otondo laki Nzambi. [kl-OT lɛkɛ 91 od. 4]
7. Hɛrɔdɛ Antipa mbaki owandji wakasha dikimɔ dia vɔ pembola Joani Obatizanyi ɔtɛ. [ad lɛkɛ 664]
8. Lam’akatɛ Yeso Afarisɛ ɔnɛ Diolelo diaki Nzambi diekɔ l’atei awɔ, nde akayataka ndamɛ oko Nkumekanga kayaye. (Luka 17:21) [kl-OT lɛkɛ 91 od. 6]
9. Ndoko olembetshiyelo w’oshika wɛnya bonde kele dibuku dia Luka diekɔ la vocabulaire yele la tɔtɛkɛta ta weho la weho oleki Evanjiliyɔ ekina esato sanganya kâmɛ. [si lɛkɛ 176 od. 2]
10. Ndoko ase Olui Walɔmbɔla wakakoke ntshɔ lo wedja wa la Mputu ka l’Ehotwelo ka wonya lam’akawasekɛ olimu aso l’etenyi kɛsɔ ka nkɛtɛ. [jv lɛkɛ 506 od. 1]
Kadimola lo wembola wayela ɛnɛ:
11. Filmɛ kakɔna kakɛnya la Société lo 1954 kakasha anto kanyi ya nganɛ wele woke woke w’ɔlɔngɔswamelo waki Jehowa na? [jv lɛkɛ 480 od. 3]
12. Ngande wasala apandjudi amɔtshi dia paka vɔ tana anto wa sambisha na? [jv lɛkɛ 516 od. 2-4]
13. Lande na kakatɛ Jehowa Elidja dia nde ‘kita Hazaɛlɛ esɔ oko nkumekanga ka Suriya’ na? (1 Khum. 19:15) [ad lɛkɛ 643]
14. Kakɔna kakalange Yeso nembetshiya lam’akandate ate: “Nyuyali la leho l’etema anyu, ndu nyuyali ki untu la unyandi” na? (Mako 9:50) [Walelo wa Bible wa lomingu la lomingu; enda w85 15/5 lɛkɛ 21 od. 12.]
15. Wetshelo akɔna w’ohomba efula wakokaso kondja oma lo kɛnɛ kakate Yeso lam’akandɛnyi olambo wakakimɔ wadi aki odo laki ose wola na? (Mako 12:42-44) [Walelo wa Bible wa lomingu la lomingu; enda w87 1/12 lɛkɛ 29 od. 7–lɛkɛ 30 od. 1.]
16. Naa waonga amɔtshi wa Petero wɛnama lo yoho y’ofundelo ya Mako, ndo ngande wakokaso nembetshiya dikambo sɔ? [si lɛkɛ 172 od. 5-6]
17. Naka sho mbɛdika Mateu 6:9, 10 la Luka 11:2-4, lande na kakokaso mbuta ɔnɛ dɔmbɛlɔ di’ɛnyɛlɔ hɛnya ɔnɛ totake awui wa lɔkɔ tshɛkɛta lo tshɛkɛta na? [Walelo wa Bible wa lomingu la lomingu; enda w90 15/5 lɛkɛ 16 od. 6.]
18. Lo woho akɔna wakeketshama mbetawɔ kaso k’ɔnɛ Bible ekɔ dibuku diakokaso mbɛkɛ otema etena kâlaso avɛsa wele oko Luka 3:1, 2 na? [si lɛkɛ 177 od. 7]
19. Divɛsa diakɔna dia lo Esambu la lo Hɛbɛru diɛnya ɔnɛ Yeso kômbolɛ kam’akandadɛ l’olongo na? [kl-OT lɛkɛ 96 od. 15]
20. Lam’ele sho mbeyaka ɔnɛ Yeso aki la mbetawɔ le Nzambi nshi tshɛ, ko lande na kakandawelɛ la dui dia wolo ate: “Nzambi kami, Nzambi kami, okonde akalɛyɛ na?” (Mako 15:34, NW) [Walelo wa Bible wa lomingu la lomingu; enda w87 15/6 lɛkɛ 31.]
Kotsha wetelo wayela ɛnɛ:
21. Diwala diaki Hɛrɔdɛ Antipa nde la Hɛrɔdiyasi _________________________ ndo diaki _________________________ lo ndjela ɛlɛmbɛ w’Ase Juda. [ad lɛkɛ 667]
22. Mɔsɛ akalɔmbɛ ɔkɔyande _________________________ , dia nde ndjâla _________________________ w’Ase Isariyɛlɛ lam’akawamɔ oma lo lɛtshi la nkɛtɛ la Dikona dia Sinai tsha lo _________________________ . [ad lɛkɛ 674]
23. _________________________ , nkumekanga ka Tura akakimanyiya Sɔlɔmɔna dia mbika tɛmpɛlɔ la Jerusalɛma lo mbosha _________________________ la _________________________ . [ad lɛkɛ 672]
24. Wakatome Harold King nde la Stanley Jones la _________________________ lo 1947, wodja wa ntondo wa la Mputu k’Ehotwelo ka Wonya wakatomama wa misiɔnɛrɛ wakalowanyema lo kalasa ka Ngiliyadɛ. [jv lɛkɛ 489 od. 2]
25. Sibia la Light ekɔ nkombo ya _________________________ wakakambaka la wa misiɔnɛrɛ lo lɛkɛ l’Edjelo ka Wonya lo wodja wa Inde. [jv lɛkɛ 463 od. 1]
Sɔna okadimwelo wa mɛtɛ lo wetelo wayela ɛnɛ:
26. Dia kotsha ehomba a wa misiɔnɛrɛ, wakake Kalasa (k’Olimu wa Teokrasi; k’Olimu wa Diolelo; ka Ngiliyadɛ) lo (1939; 1943; 1946). [jv lɛkɛ 458 od. 2]
27. (Alɛsandɛrɛ; Diyɔtɛrɛfɛ; Humenaya), onto ɔmɔtshi lakanguna mbetawɔ (apostat) l’eleko ka ntondo aketshaka anto ɔnɛ eolwelo ekɔ djembetelo mɔtshi ya lo yimba tsho ndo ɔnɛ ndoko eolwelo k’anto wambovɔ kayoyala lo nshi yayaye. [ad lɛkɛ 688]
28. (Hɛrɔdɛ Angiripa I; Hɛrɔdɛ Atipa; Hɛrɔdɛ ka Woke) mbakasha dikimɔ dia vɔ ndjaka ana waki l’ɛnɔnyi oma l’ehende otsha l’ɛsɛ yema tshitshɛ l’ɔkɔngɔ wa Yeso mbotɔ. [ad lɛkɛ 663]
29. Tɔ̂la tatawɔ lo Etatelu 21:8, 9 takɔlaka Ishamɛlɛ Isaka aki etatelo k’etena k’ɛnɔnyi (400; 430; 450) w’asui w’Ase Juda, wakayokomɛka lam’akatshungɔ Ase Isariyɛlɛ oma (l’Asuriya; la Babilɔna; l’Edjibito) lo (537; 740; 1513) N.T.D. [ad lɛkɛ 724]
30. Oko wofundamidiɔ lo (Mateu 10; Mateu 24; Luka 21), Yeso akasha anto wakandatome diatosambisha alako w’eshika wendana l’olimu akɔ. [si lɛkɛ 170 od. 31]
Ɔtɔnganyiya wetelo wayela ɛnɛ l’avɛsa awɔ:
Mako 7:20-23; 13:10; Luka 8:31; Etsha 12:20-23; 17:11
31. Sho pombaka mambalɛka dia mbeyaka oseka shɛngiya tshɛ ya kɔlɔ kana ya mindo yokoki toyɛ lo wɔɔngɔ la l’otema ndo sho pombaka ndjinya la ntondo ka yɔ mbika edio. [Walelo wa Bible wa lomingu la lomingu; enda w89 1/11 lɛkɛ 14 od. 16.]
32. Ɛdiɛngɛ kâmɛ la Satana wayonga watekana oko lo nyɔi lɛnɛ ahawatonga la shɛngiya nto l’edja “ka deku kinunu.” (Eny. 20:3) [Walelo wa Bible wa lomingu la lomingu]
33. Monga la yimba y’ɔnɛ nshi yotete esadi esadi ekɔ ohomba efula di’olimu w’esambishelo wa l’andja w’otondo kambema l’etena ka tshitshɛ kambotshikala kɛnɛ. [Walelo wa Bible wa lomingu la lomingu; enda w95 1/10 lɛkɛ 27.]
34. Ɛmɛnyi wa Jehowa waketsha nunu efula di’anto dia vɔ mbeya mbadia la funda, lo mbisha anto akɔ asɔ diaaso dia vɔ mbeka Bible vamɛmɛ. [jv lɛkɛ 466 od. 2-3]
35. Anto pombaka ndjalama di’aha ndjayangɛ lotombo nɛ dia, lotamanya ekɔ kɔlɔ efula lo asho a Nzambi ndo w’anto efula. [ad lɛkɛ 665; enda ndo lo w94 1/9 lɛkɛ 21.]
[Caption on page 6]
S-97-OT No. 292 8/97