Waewoyelo

◼ Ekanda wa mbisha anto lo Ngɔndɔ ka Dikumi: Sheke y’Ɔngɛnɔngɛnɔ wa lo Nkumbo. Ngɔndɔ ka Dikumi l’Ɔtɔi: Tshoto y’Etangelo la Réveillez-vous ! Naka onto ambɛnya saki lam’ayaso dia ndjowenda nto, kete sho kokaka mbosha abɔnɛma. Oma lo Ngɔndɔ nshi dikumi la tshanu, tayokahɛ anto Nkumu ya Diolelo No. 35. Ngɔndɔ ka Dikumi l’Ahende: Odianganyelo wa Nkumu ya Diolelo No. 35. Tshumanelo diamboshidiya mbilo yawɔ ndo diakatshikɛ anto wa lo wa nkumbo tshɛ kana wa lo luudu tshɛ kiatshi mɔtshi ya Nkumu ya Diolelo No. 35, kokaka mbisha anto dibuku Ewo. Ngɔndɔ ka Ntondo: Traduction du monde nouveau la dibuku La Bible : Parole de Dieu ou des hommes ?

◼ Anto walongola periodikɛ lo lokombo l’etshumanelo kɛmɔtshi pombaka funda abɔnɛma tshɛ kana nyomovusola abɔnɛma awɔ kâmɛ ndo w’etshumanelo kakɔ wa Tshoto y’Etangelo kana wa Réveillez-vous ! ko toma lo tshimbo y’etshumanelo kakɔ.    

◼ La Société hadje yimba lo kɔmandɛ y’ekanda y’opandjudi l’opandjudi. Omendji-walɔmbɔla ayɔlɔngɔsɔlaka dia vɔ mbishaka diewoyelo ngɔndɔ tshɛ la ntondo ka vɔ toma kɔmandɛ k’ekanda w’etshumanelo ka ngɔndɔ la ngɔndɔ le la Société. Dikambo sɔ diayokimanyiya wanɛ tshɛ walanga monga l’ekanda awɔ vamɛ dia vɔ mbutɛ ɔnangɛso lenda akambo w’ekanda. Tanyohekɛ dia ekɔ ekanda walɔmbama lo yoho ya lânde.

◼ L’ɔnɔngɔ wa “Ekadimwelo lo Wembola Anyu” l’Olimu Aso wa Diolelo wa Ngɔndɔ ka Samalo 1997, wakatokeketsha dia monga la yewo lo kɛnɛ kendana l’otombelo wa l’opandjudi waha onyaso pami kana omoto l’olimu w’esambishelo. Sho mbeyaka bonde kahomba onto tshɛ monga tshundju lo dikambo sɔ. Dikambo sɔ hadiɛnya ɔnɛ emendji weteta, kana anangɛso akina, hawohombe sambisha kâmɛ l’akadiyɛso. Koko, kanyi yahombaso kimɛ l’ɔtɛ ele, kema dui dia tshundju dia ɔnangɛso ɔmɔtshi mongaka tena tshɛ l’onto akɔ ɔtɔi laha osekande pami ndo lahotɔ la nde.

◼ Ekanda w’eyoyo wamboya:

Ewo Katɔla Otsha lo Lɔsɛnɔ la Pondjo ​—⁠Lingala

Vɔlumɛ relie ya Tshoto y’Etangelo la ya Réveillez-vous ! 1996 ​—⁠Angɛlɛ, Falase