Nsanganya Y’olimu Ya Ngɔndɔ Ka Hende
Lomingu la Ngɔndɔ ka Hende 2
Taahe 8: Waewoyelo. Waewoyelo wa l’Olimu Aso wa Diolelo.
Taahe 17: Toyalɔngɔsɔlɛ dia mbɔtɔ lo losanganya la distrikɛ 1998. Ɔsɛdingwelo oma le sekeletɛrɛ, la wembola ndo ekadimwelo, lo dikatshi di’okotsha di’Olimu Aso wa Diolelo wa Ngɔndɔ ka Hende 1998. Oko aditɛtɛ sawo diakɔ, ka epole ɔsɛkɛ l’ɛkɔkɔ w’oma lo Bible watotshutshuya dia sho ndjela alako wa la Société wendana la pango. Andola anangɛso wasukɛ tɛdikɔ takɔshi la Société lo dikambo dia pango.
Taahe 20: Toyalɔngɔsɔlɛ oma ko kakianɛ dia nɛmiya ɔlɛmbɛ wa Nzambi wendana la dikila. Ekumanyi kɛmɔ kakoka atɛkɛtɛ di’ohomba wa ndodia kartɛ ka “Instructions médicales/Pas de sang.” Ɛtɛkɛta wakasambiyama wofundami lo Osambu 19:7 mɛnyaka ɔnɛ dako dioshawɔ lo Etsha 15:28, 29 diekɔ yoho ya mɛnya ɔlɛmbɛ wa Nzambi wa kokele lo dikambo dia dikila. Ekambi ande wa kɔlamelo ndjatshutshuyaka dia nɛmiya ɔlɛmbɛ akɔ. Kartɛ kɛsɔ mɛnyaka lolango laso la shikaa lo dikambo sɔ ndo tɔtɛkɛtɛka etena keso bu la wolo wa tɛkɛta. (Enda Tukedi 22:3.) Kartɛ k’oyoyo kimanyiyaka dia mɛnya ɛtɛkɛta w’eyoyo wendana l’otonelo wa dikila. L’ɔkɔngɔ wa losanganya, Ɛmɛnyi wambobatizama walanga wayolongola kartɛ k’oyoyo, ndo wanɛ wele l’ana weke akɛnda wahatabatizama wayolongola Carte d’identité ɔtɔi l’ɔna l’ɔna. Aha kilodia kam’akilongolanyu. Paka tokilodia dimɛna dimɛna la ngelo, koko AHA sinya kana mbika lohita lɔkɔ. Sinyatirɛ ya kanga kartɛ, lokombo l’ɛmɛnyi ndo datɛ tshɛ diayoyofundama lo kartɛ tshɛ l’ekomelo ka wekelo wa dibuku wayaye, l’ɛlɔmbwɛlɔ k’ɔnangɛso lalɔmbɔla wekelo. Dikambo sɔ diayokimanyiya dia ndjashikikɛ ɔnɛ wanɛ tshɛ wakombola ndjela dako sɔ diendana l’enganga wakondjakɔ ekimanyielo kele lawɔ ohomba. Wanɛ wasinya oko ɛmɛnyi pombaka mɛna la washo awɔ woho wasinya kanga kartɛ.
Lo losanganya l’olimu layela, anɔmbɔdi wa wekelo wa dibuku kana dikumanyi wayokimanyiya wanɛ tshɛ waki komonga lo wekelo wa dibuku koko walanga ndodia ndo sinya kartɛ, nyayotetemala ntsha ngasɔ edja ndo apandjudi wakabatizama wambolodia ndo wambosinya kartɛ yawɔ dimɛna. (Nyomenda mukanda wa lo Ngɔndɔ ka Dikumi l’Ahende 20, 1996.) Naka apandjudi wahatabatizama nangaka, ko vɔ funda awui awɔ hita ndo wendana l’anawɔ ko sunganya kɛnɛ kofundjiwɔ lo kartɛ la eongelo kawɔ ndo la dietawɔ diawɔ vamɛ.
Osambu 142 ndo dɔmbɛlɔ dia ndjihelo.
Lomingu la Ngɔndɔ ka Hende 9
Taahe 10: Waewoyelo. Alapɔlɔ wa falanga. Ta tɛdikɔ tambɔsama dia sambisha l’ekomelo ka lomingu.
Taahe 15: “Ekadimwelo lo Wembola Anyu.” Ɔkɛtshanyelo kamɛ l’ampokami. Ta ndo dui dimɔtshi diakasalema diofundami lo Réveillez-vous! woshawɔ lo sawo diakɔ.
Taahe 20: “Jehowa Mbishaka Wolo Woleki Wɔnɛ Wokôngaka l’Onto.” La wembola ndo ekadimwelo. (Enda lo w90 15/7 19, od. 15-16.) Mbola anto amɔtshi dia vɔ kɔndɔla akambo w’amɛna wakasalema wɛnya woho wakâkeketsha Jehowa.
Osambu 81 ndo dɔmbɛlɔ dia ndjihelo.
Lomingu la Ngɔndɔ ka Hende 16
Taahe 10: Waewoyelo.
Taahe 15: “Tɔngɛnɛngɛnɛ dia Sambisha Anto Akambo Tshɛ.” Ɔkɛtshanyelo kamɛ l’ampokami. Ɛnya waonga w’ohomba efula wa sawo dia dimɛna: (1) Mbisha onto mɔyɔ la wangasanu tshɛ, (2) mbisha kɔmatɛrɛ kana mumbola dimbola dimɔtshi diendana la nsango ya vuavua, (3) shila divɛsa dimɔtshi dia lo Bible diasungana ndo (4) kotola yambalo y’onto akɔ otsha lo okanda wawoshayɛ. Ɛnyɛlɔ oma le opandjudi ɔmɔtshi wakoka lo ndjela sawo dimɔ diɛnyishawɔ ndo diembwelo.
Taahe 20: Wekelo wa lo nkumbo washa ɔngɛnɔngɛnɔ. Ɔnangɛso ɔmɔtshi la wadiɛnde wasawola di’ehomba wa lo nyuma wa nkumbo kawɔ. Lam’ayakiyanyawɔ dia tɔsɛngiya ta kɔlɔ tele l’andja ɔnɛ le anawɔ, vɔ wambɛna dia ekɔ ohomba efula keketsha lonyuma l’anawɔ, koko vɔ wambosuya dia wekelo wa nkumbo kosalemaka tena tshɛ ndo kosalemaka dimɛna efula. Vɔ tshɛ wɔsɛdingola nto alako wendana la woho wa nɔmbɔla wekelo wa lo nkumbo wele la wahɔ, woshawɔ lo Tshoto y’Etangelo ya (Falase) Ngɔndɔ k’Enanɛi 1, 1997, lɛkɛ 26-9. Vɔ akɔ ahende wambɔsa tɛdikɔ dia sala tshɛ dia anawɔ mongaka la lonyuma l’ɔlɔlɔ.
Osambu 146 ndo dɔmbɛlɔ dia ndjihelo.
Lomingu la Ngɔndɔ ka Hende 23
Osambu 187
Taahe 12: Waewoyelo. Tɛkɛta dia ekanda wayotosha anto lo Ngɔndɔ ka Sato. Ta dikambo ɔtɔi kana ahende wa lo dibuku Révélation : dénouement wayokimanyiya dia mɛnya anto dibuku sɔ.
Taahe 15: “ Tɔlɛmiya Dihole di’Ɔtɛmwɛlɔ wa Jehowa. “ Ɔkɛtshanyelo la wembola ndo ekadimwelo oma le ekumanyi kɛmɔ kayɔtɔnganyiya awui akɔ la kɛnɛ keta l’etshumanelo lo yoho y’ɔlɔlɔ.
Taahe 18: Alapɔlɔ w’olimu wakambaso l’andja w’otondo w’esambishelo. (Lo ndjela dibuku Notre ministère, lɛkɛ 101-2, 106-10.) Dako ndo ɔkɛtshanyelo oma le sekeletɛrɛ. L’ɔkɔngɔ a mɛnya ɔnɛ shambu ya mbishaka alapɔlɔ w’olimu aso tena tshɛ ndja oma lo Bible, nde kele akambi w’olimu ahende dia vɔ sɛdingola ɔtɛ a dui woyedi w’ɔnɛ: “Ɔkɔkɔ wa mbisha alapɔlɔ.” L’ɔkɔngɔ, sekeletɛrɛ ayɔtɛtɛ dia ohomba wa kimɔ alapɔlɔ wa mɛtɛ k’ɔlɔmɔ ndo mbâtoma la ntondo ka ngɔndɔ mbɔtɔ nshi esambele. Esangɔ oko tshɛ, % 50 ya tshumanelo dia lo mbilo kaso tomaka alapɔlɔ l’ɔkɔngɔ wa bɔ, diɔ diakɔ diahawadiama lo ngɔndɔ kakɔ. Ate lande na kende ɔlɔlɔ di’onto l’onto ndjadjɛ eyango ndo adihiya l’ɛtɛkɛta w’ekeketshelo lo dikambo di’ɛtshɔkɔ wakondja wanɛ wayasha tshɛ l’esambishelo.
Osambu 189 ndo dɔmbɛlɔ dia ndjihelo.