Nsanganya Y’olimu Ya Ngɔndɔ Ka Nɛi
Lomingu la Ngɔndɔ ka Nɛi 6
Taahe 5: Waewoyelo. Waewoyelo w’oma l’Olimu Aso wa Diolelo.
Taahe 20: “Tokambake Olimu w’Ekila ndo la Yanyi ndo l’Otsho” Wembola ndo ekadimwelo. Adia odingɔ 5 la 6.
Taahe 20: “Tosambiya Anto Akina Elongamelo ka Lɔsɛnɔ la Pondjo.” Ɔkɛtshanyelo l’ampokami. Ɛnya lo tshena pe woho wokokiso tetemala sawola l’onto lo mbokaka wembola dimɛna efula. Sha bɛnyɛlɔ dimɔtshi dia wembola wa nɔmbɔla onto (orientées) la wembola wa mbeya lokanyi lande (opinion) wakokaso kamba lawɔ lo sawo. (Enda lo Manuel pour l’école, lɛkɛ 50-1, odingɔ 10-12.) Wɛnyɛlɔ: opandjudi ɔmɔtshi wakoka atshe sawo dimɔtshi l’atei w’asawo wɛnyishawɔ ndo diembwelo diayondotatɛ mbeka l’onto Bible.
Osambu 88 ndo dɔmbɛlɔ dia ndjihelo.
Lomingu la Ngɔndɔ ka Nɛi 13
Taahe 8: Waewoyelo. Alapɔlɔ wa falanga.
Taahe 15: Tokondja Wahɔ oma l’Annuaire 1998. Ombutshi a pami avusole la nkumbo kande lɛkɛ 3-6, 31 ndo ɛnya alapɔlɔ w’olimu wa teokrasi wakakambema l’andja w’otondo ɔnɔnyi wetshi. Ta ɛlɔlɔ wakondja nkumbo oma lo walelo l’ɔsɛdingwelo wa divɛsa dia lushi ndo totenyi t’Annuaire nshi tshɛ wonya walɛnyu yangɔ ya pindju, ndo woho wambɔsa nkumbo kakɔ yɛdikɔ dia tshaka ɔsɔku oto ɔnɔnyi w’otondo.
Taahe 22: “Onde Tayowokamba Nto?” (Odingɔ 1-11) Wembola ndo ekadimwelo. Ta awui woleki ohomba wɔkɔndwami l’Annuaire 1998, awui wakatshama ɔnɔnyi wetshi lo Ngɔndɔ ka Nɛi l’olimu wa lânde w’ombatshi mboka wa tshanda. Ta lofulo l’anto wakonge ambatshi mboka wa tshanda l’etshumanelo kanyu l’etena kɛsɔ. Ta ɛlɔlɔ wokondjishaso shamɛ oma l’olimu w’ombatshi mboka ndo ɛnya woho wakimanyiyama etshumanelo dia tɔ pama oma lo weolo ɛsɔ wa lânde. Ta tɛdikɔ tendana l’esambishelo tambɔsama l’etshumanelo kanyu lo Ngɔndɔ ka Nɛi la ka Tanu di’anto efula monga ambatshi mboka. Apandjudi koka kondja adɛmandɛ l’ɔkɔngɔ a losanganya.
Osambu 195 ndo dɔmbɛlɔ dia ndjihelo.
Lomingu la Ngɔndɔ ka Nɛi 20
Taahe 10: Waewoyelo.
Taahe 15: “Ekadimwelo lo Wembola Anyu.” Wembola ndo ekadimwelo.
Taahe 20: “Ana, Nyu Nyekɔ Ɔngɛnɔngɛnɔ Aso!” Wembola ndo ekadimwelo. Ta ɛkɔndɔ wele lo Tshoto y’Etangelo ya Ngɔndɔ k’Enanɛi 1987, lɛkɛ 25.
Osambu 224 ndo dɔmbɛlɔ dia ndjihelo.
Lomingu la Ngɔndɔ ka Nɛi 27
Taahe 10: Waewoyelo. Ta nkombo ya wanɛ wayonga ambatshi mboka wa tshanda lo Ngɔndɔ ka Tanu. Lembetshiya ɔnɛ wonya wekekɔ dia ndodja dɛmandɛ.
Taahe 20: Tolowanya Eyoyo l’Esambishelo. Dako ndo ɔkɛtshanyelo l’ampokami. Wanɛ weka l’anto lo dibuku Ewo pombaka mbidja yimba dia ndowanya wanɛ weka awɔ dia vɔ sambisha. Ta kɛnɛ kata dibuku Ewo, lo lɛkɛ 105-6, odingɔ 14, ndo lo lɛkɛ 179, odingɔ 20. Vusola yoho ya ntsha di’oyoyo koma opandjudi wahatabatizama oko ɛnyawɔ lo Tshoto y’Etangelo ya Ngɔndɔ ka Dikumi l’Ɔtɔi 15, 1988, lɛkɛ 16-17, odingɔ 7-10. Nyende tokanyi tele lo dikatshi di’okotsha di’Olimu Aso wa Diolelo wa Ngɔndɔ k’Esambele 1996, odingɔ 19, tɛnya woho wa kimanyiya apandjudi w’eyoyo wahatabatizama dia vɔ tatɛ sambisha.
Taahe 15: Woho wa Ndɔshana l’Ɔlɛmbɛlɔ wa lo Nyuma. Dikumanyi pende wasɛdingole sawo diele lo kiombo ya Tshoto y’Etangelo ya Ngɔndɔ ka Ntondo 15, 1986, lɛkɛ 19. Lo “Djembetelo y’Ɔlɛmbɛlɔ” tshɛ, lembetshiya l’ekimanyielo k’Afundelo woho wokoki onto kondja ɛlɔlɔ oma lo “Kɛnɛ Kakimanyiya dia Tetemala.” L’ɔkɔngɔ ko wɛ kɔnya apandjudi ahende wayota woho wakawakimanyiyama lam’akawakambe la tokanyi takɔ dia vɔ tshikala nge lo nyuma.
Osambu 47 ndo dɔmbɛlɔ dia ndjihelo.