Nsanganya Y’olimu Ya Ngɔndɔ Ka Dikumi

Lomingu la Ngɔndɔ ka Dikumi 5

Osambu 28

Taahe 10: Waewoyelo. Waewoyelo w’oma l’Olimu Aso wa Diolelo. Tɛkɛta lo tshena pe, awui wa lo kiombo yele l’ɔtɛ a dui ɔnɛ: “Lokanyi Lɔmɔtshi.”

Taahe 15: “Sho Koka Ntsha Elimu Woleki Weke.” Wembola ndo ekadimwelo. Keketsha onto tshɛ dia ndjadjɛ eyango wakoka l’ɔnɔnyi w’oyoyo ɔnɛ w’olimu ndo ntsha la wolo tshɛ dia mbâkotsha.​—⁠Enda lo Notre ministère, lɛkɛ 116-18.

Taahe 20: “Ambatshi Mboka Kimanyiyaka Akina.” Ekumanyi kɛmɔtshi alembetshiya ɔnɛ: lâdiko di’olowanyelo wakondjaso oma lo Kalasa k’Olimu wa Teokrasi, tɛdikɔ tambɔsama dia ambatshi mboka kimanyiya anto akina ɔtɔi ɔtɔi l’olimu w’esambishelo. Oka wembola wele lo sawo diakɔ ndo lɔmba ampokami dia vɔ tɛkɛta, djekoleko ambatshi mboka la apandjudi wendana l’ekongelo kɛsɔ. Ta woho wakokaso kondja ɛlɔlɔ oma lɔkɔ. Ambatshi mboka kokaka tɛkɛta di’ɛngɛnɔngɛnɔ l’ɛlɔlɔ wakondjawɔ lo kimanyiya akina. Apandjudi wakimanyiyama l’ekongelo kɛsɔ kokaka mbuta nganɛ wɛnawɔ yɛdikɔ shɔ yoludi la ngandji ndo mbuta tokanyi takâkimanyiya dia vɔ monga tomanamana ndo ngɛnangɛna efula l’olimu.

Osambu 172 ndo dɔmbɛlɔ dia ndjihelo.

Lomingu la Ngɔndɔ ka Dikumi 12

Osambu 160

Taahe 10: Waewoyelo. Alapɔlɔ wa falanga.

Taahe 15: Kakɔna Katɔlɔmba Nzambi? Dako. Takashile la tatɛ sɛdingola biukubuku shɔ lo wekelo wa dibuku. Keketsha onto tshɛ dia ndjalɔngɔsɔlaka ndo mongaka laawɔ lomingu tshɛ woho wa manyamanya biukubuku yakɔ ndo mbeya woho wa ndjietsha anto akina. Adia lo biuku yakɔ odingɔ w’ɔnɛ “Woho wa Kamba la Biukubuku Nyɛ.” Yâkimanyia la Tshoto y’Etangelo ya Ngɔndɔ ka Hende 1, 1997, lɛkɛ 9-10. Tɛtɛ di’ohomba wa kamba la wembola, avɛsa wa Bible ndo esato wele lo biukubuku yakɔ. Anɔmbɔdi wa wekelo wa dibuku pombaka mbisha ɛnyɛlɔ k’ɔlɔlɔ le wanɛ wetsha anto Bible la wakawɔ lo aha tɛkɛtaka efula ndo aha kotsha awui akina efula wele bu lo biukubuku yakɔ.​—⁠Enda l’Olimu Aso wa Diolelo wa Ngɔndɔ k’Esambele 1996, lɛkɛ 3, odingɔ 5.

Taahe 20: Akatatshe Ɔnɔnyi Wetshi? Sekeletɛlɛ l’omendji w’olimu wasɛdingole alapɔlɔ w’olimu w’etshumanelo ndo toshifidi ta lofulo l’anto wakɔtɔka lo nsanganya ɔnɔnyi wetshi. Wate lɛnɛ akawakambe dimɛna lo ndjela alapɔlɔ akɔ ndo tɛtɛ lɛnɛ ahombawɔ mbidja weolo. Onde apandjudi lokama lo lokama mbakasambisha lo Ngɔndɔ ka Divwa? Ta eyango akɔna wayoyasha dikumanyi lo ngɔndɔ kayaye (Vɔ wayokimanyiya djekoleko apandjudi tshɛ dia vɔ sambishaka ngɔndɔ tshɛ). Tɛkɛta akambo wasungana w’oma l’alapɔlɔ wa ndjihelo w’omendji w’otshimbedi.

Osambu 144 ndo dɔmbɛlɔ dia ndjihelo.

Lomingu la Ngɔndɔ ka Dikumi 19

Osambu 122

Taahe 10: Waewoyelo. Nsango ya Teokrasi.

Taahe 15: Ehomba wa l’etshumanelo.

Taahe 20: “Têke Woho wa Mbeya Anangɛso.” Wembola ndo ekadimwelo. Sha ndo kɔmatɛrɛ oma lo Tshoto y’Etangelo ya Ngɔndɔ ka Dikumi 1, 1988, lɛkɛ 10-11. Keketsha apandjudi tshɛ dia vɔ ndjatshutshuya dia mbeyana dimɛna l’asawɔ.

Osambu 34 ndo dɔmbɛlɔ dia ndjihelo.

Lomingu la Ngɔndɔ ka Dikumi 26

Osambu 17

Taahe 12: Waewoyelo. Ohola apandjudi dia vɔ kimɔ alapɔlɔ awɔ w’olimu wa Ngɔndɔ ka Dikumi kayanga shila. Keketsha onto tshɛ dia mbɔsa tɛdikɔ ta sambisha efula lo luudu la luudu lo Ngɔndɔ ka Dikumi l’Ɔtɔi dia dianganya periodikɛ efula. Nyayɛna l’Olimu Aso wa Diolelo wa Ngɔndɔ ka Dikumi l’Ɔtɔi 1996, lɛkɛ 8, tokanyi ta nɔngɔsɔla asawo. Wɛnyɛlɔ: Ɛnya onto periodikɛ yeke katomba ndo ɛnya woho wa mbutɛ ɔtɛkɛtshi aso yɛdikɔ ya kimɔ weshasha. Totasombi periodikɛ ya ndjokamba la yɔ l’esambishelo lo wikɛndɛ.

Taahe 20: “Emendji Watɔlɔmbɔla: Omendji w’Olimu.” Dako oma le omendji w’olimu. L’ɔkɔngɔ wa nde mbuta ɛkɛndɛ ande, alembetshiya woho wokoki etshumanelo kamba kâmɛ la nde dia sambisha efula ndo dimɛna lo mbilo kawɔ.

Taahe 13: Ngande Wakokayɛ Monga Opandjudi w’Ɔlɔlɔ Na? Dako ko mimbola ampokami wembola ɛmɔtshi. Ndoko ohomba wa monga l’akoka wa diambo kana losha la lânde; kɛnɛ koleki ele onto tshɛ l’atei aso ndjakimɔ la lolango lande, ndola la ngandji, ndjakitshakitsha, monga l’ohetoheto ndo la lowando. Mbola ampokami lande na kele ekɔ ɔlɔlɔ: (1) monga l’ɔngɛnɔngɛnɔ, (2) mbɔtɔka nsanganya tena tshɛ ndo mbishaka kɔmatɛrɛ, (3) mbetawɔ ɛkɛndɛ l’ɔngɛnɔngɛnɔ ndo mbâkotsha, (4) kamba kâmɛ la dikumanyi ndo ndjela tɛdikɔ tɔsama l’etshumanelo, (5) ndjasha l’otema ɔtɔi le anto akina lo mbâsukɛka ndo (6) sambishaka tena tshɛ ndo kimɔka alapɔlɔ esadi ngɔndɔ tshɛ.

Osambu 25 ndo dɔmbɛlɔ dia ndjihelo.